1 REYES 18:3 - Dios Rimashcata Quillcashcami

³ Chaimantami Acabca paipac mandana huasipi ricuchun churashca Abdiasta cayarca. Abdiasca Mandac Diosta manchac runami carca.

1 REYES 18:3 ပူးပေါင်းရင်းမြစ်များ

GÉNESIS 22:12

Shina nicpimi angelca: —Huambrapac jahuapica ama maquita churaichu, ama imata ruhuaichu. Diosta manchashpa, cambac cuyashca shuclla churita mañacpi, mana misashcataca ña yachanimi— nirca.

GÉNESIS 24:10

Chaimantami servicca amopac camellocunamanta chunga camellocunata japishpa, amopac tucuilaya acllashca convidanacunata apashpa, Mesopotamia llactapi cac Nacor llactaman rirca.

GÉNESIS 24:2

Abrahamca paipac serviccunapuramanta paipac huasipi mandac yuyac runata cayashpaca: —Cambac maquita ñuca changa jahuapi churai.

GÉNESIS 39:9

Cai huasipica ñucata yalli ricucca pi mana tiyanchu. Imata mana misashpa, ricuchun cushpapish, cantaca mana curcachu. Canca ñuca amopac huarmimi cangui. Chashna cashcamantaca, ¿maitatac millaita ruhuashpa, ñuca Diosta llaquichishpa juchallishayari?— nirca.

GÉNESIS 41:40

Canmi ñuca huasitapish mandangui. Tucui llactacunapi causaccunami cantaca cazunga. Ñucallami jatun mandac cashcamanta canta yalli casha.

GÉNESIS 42:18

Quimsa punzhapica Joseca: —Ñucaca Diosta manchanimi, cancuna mana huañungapacca caita ruhuaichic:

1 REYES 16:9

Carretacunapi puric chaupi soldadocunata mandac paita servic Zimrimi huañuchingapac shuccunahuan pacalla parlanacurca. Elaca Tirsa pueblopimi paipac mayordomo Arsapac huasipi ubiashpa, machashpa tiyacurca.

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

1 REYES 18:2

Shina nicpimi, Eliasca Acabpac ñaupapi ricurigrirca. Samaria pueblopica jatun yarcaimi tiyarca.

2 REYES 4:1

Dios ima nishcata huillacpuramanta shuc runapac churipac huarmimi Eliseotaca: —Canta servic ñuca cusaca huañushcami. Canta servic ñuca cusa Mandac Diosta servic cashcataca canllatac yachanguimi. Shina cacpipish, ñucanchicman cullquita mañachic runami, ñuca ishcai huahuacunata paita servic cachun apangapac shamushca— nirca.

NEHEMÍAS 5:15

Ashtahuanpish ñucapac punta mandaccunaca micungapacpish, vinopacpish, chuscu chunga siclos cullquita mañashpami llaquichishpa causarca. Shinallatac paicunata serviccunapish chashnallatacmi ruhuarca. Ashtahuanpish ñucaca Diosta manchac cashpami, mana chashna ruhuarcani.

NEHEMÍAS 7:2

Chai quipaca ñuca huauqui Hananita, shinallatac uchilla pueblota mandac Ananiastaca Jerusalenpi tiyac torrepi cuidaccunata mandachunmi churarcani. Paicunaca cashcata ruhuac, Diosta manchaccunami carca.

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

SALMOS 112:1

Mandac Diosta manchaccunaca cushicunmi. Pai mandashcacunapimi yallita cushicun.

PROVERBIOS 14:26

Mandac Diosta manchaccunaca paipi shunguta churashpami causancuna. Chashna manchacpimi churicunapish pai cuidashca causangacuna.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

SAN MATEO 10:28

Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

SAN MATEO 25:17

Ishcai talento cullquita japicpish, chai shinallatacmi mirachirca.

HECHOS 10:2

Paica Dios yuyaillami causac carca. Chaimantami tucui familiahuan Diosta manchashpa, mañashpa, israelcunapurapi huacchacunaman cullquita cushpa causac carca.

HECHOS 10:35

Mai llactapipish Diosta manchashpa, cashcata ruhuacpica, Diosca chasquinmi.