1 REYES 18:29 - Dios Rimashcata Quillcashcami

²⁹ Paicunaca chaupi punzha quipapish chishiyangacamanmi yuyaita chingachishca shina caparishpa catircacuna. Chaicamanca ñami animalta cushpa huañuchina horas tucurca. Chashna caparicucpipish, pi rimashcapish mana uyarircachu. Mañashcata pi cutichicpish mana tiyarcachu.

1 REYES 18:29 ပူးပေါင်းရင်းမြစ်များ

1 REYES 18:26

Shina nicpimi, Baalmanta huillaccunaca paicunaman cushca huagrata huañuchishpa, altar jahuapi churarcacuna. Chaimantaca tutamantamanta chaupi punzhacamanmi: «¡Baal, ñucanchic mañashcata uyaiyari!» nishpa Baal diospac ñaupapi danzashpa cainarcacuna. Ashtahuanpish Baalca ima mañashcata mana uyarcachu. Paicunallatac ruhuashca altar ladopimi saltashpa muyurcacuna.

1 REYES 18:36

Diosman animalta cushpa rupachina horas ña chayacpimi, Dios ima nishcata huillac Elías altarman cuchuyashpaca: «¡Abrahampac, Isaacpac, Israelpac Mandac Dioslla, Israel llactapica canlla Dios cashcata cunan ricuchiyari! ¡Ñucapish canta servic cashcata can mandacpi, tucui caicunata ruhuacushcatapish ricuchiyari!

1 REYES 22:10

Israel llactata jatun mandacpish, Judá llactata jatun mandac Josafatpish, mandaccuna churarinata churashcami Samaria puebloman yaicuna pambapi tiyacurca. Huillaccunaca tucuimi paicunapac ñaupapi huillacurca.

1 REYES 22:12

Tucui huillaccunami chai shinallatac huillashpaca: «Mandac Diosmi chai pueblopi causaccunataca jatun mandacpac maquipi churashpa mishachinga. Chaimanta Galaad llacta Ramot puebloman huichai rilla» nirca.

SALMOS 115:4

Paicunapac yanga dioscunaca cullquimanta, curimanta gentecunapac maqui ruhuashcami can.

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

ÉXODO 29:39

Shuctaca tutamanta, shuctaca chishita cungui.

ÉXODO 29:41

Shuctac ovejataca chishitami cungui. Chai ovejataca tutamanta cushca shinallatac aceitehuan, vinohuan chapushpa rupachingui. Shina ruhuashcami ñucamanca mishquilla ashnanga.

ÉXODO 8:14

Chai huañushca sapocunataca tandashpami, caipi chaipi montonarca. Chai sapocunaca yallitami ashnacurca.

ISAÍAS 16:12

Moab llactapi causaccuna lomacunapi tiyac altarcunapi paicunapac dioscunapac huasiman yaicushpa, shaicucta mañashcapish yangallami canga.

ISAÍAS 46:7

Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

DANIEL 9:21

Chashna mañacucpimi, utca muscuipi shina ricushca ángel Gabrielca jahuata volashpa ñucapacman shamurca. Chaica animalta Diosman cushpa rupachina horasmi carca.

GÁLATAS 4:8

Cancunaca Diosta ñaupaman mana ricsishcamantami, manapish dioscunata cazushpa serviccuna carcanguichic.

1 SAMUEL 10:5

Chaimanta rishpaca, filisteo soldadocuna cuidacuc Diospac lomamanmi chayangui. Chai puebloman ña yaicushpaca, Dios ima nishcata huillaccuna tandanacushpa chai lomamanta urai shamucucpimi tupangui. Paicunapac ñaupataca saltereopi, panderopi, flautapi, arpapi tocashpami shamucunga. Paicunaca Dios ima nishcata huillashpami shamucunga.

1 SAMUEL 18:10

Cayandi punzhaca Mandac Dios cachashca shuc millai espíritu japicpimi, Saulca pai mandana ucupi musparishpa rimariricurca. Davidca ñaupa punzhacuna shinallatacmi maquihuan arpapi tocacurca. Cutin Saulca lanzatami maquipi charicurca.