1 REYES 18:26 - Dios Rimashcata Quillcashcami

²⁶ Shina nicpimi, Baalmanta huillaccunaca paicunaman cushca huagrata huañuchishpa, altar jahuapi churarcacuna. Chaimantaca tutamantamanta chaupi punzhacamanmi: «¡Baal, ñucanchic mañashcata uyaiyari!» nishpa Baal diospac ñaupapi danzashpa cainarcacuna. Ashtahuanpish Baalca ima mañashcata mana uyarcachu. Paicunallatac ruhuashca altar ladopimi saltashpa muyurcacuna.

1 REYES 18:26 ပူးပေါင်းရင်းမြစ်များ

1 REYES 18:24

Chai quipaca, cancunapac diosta mañanguichic. Ñucapish Mandac Diosta mañashami. Mañashcata uyashpa, ninata cachac Diosllami ¡Diosca canga!— nirca. Shina nicpimi, tucui gentecunaca: —¡Allitami ningui!— nircacuna.

1 REYES 18:25

Chai quipami Eliasca Baal diosmanta huillaccunataca: «Cancuna achca cashcamantaca cancunarac shuc huagrata acllashpa allichishpa churaichic. Chai quipaca cancunapac diosta mañaichic. Ashtahuanpish yantapica ama ninata japichinguichicchu» nirca.

1 REYES 18:27

Ña chaupi punzha tucucpimi, Eliasca paicunataca: «¡Paica shuc diosmi, sinchita caparichiclla! Paica imatami yuyaricunga, mana cashpaca imatami ruhuacunga. Mana cashpaca maimanmi rishca canga, mana cashpaca sueñucungami. Ricchachinami can» nirca.

ÉXODO 8:14

Chai huañushca sapocunataca tandashpami, caipi chaipi montonarca. Chai sapocunaca yallitami ashnacurca.

ISAÍAS 37:38

Shina cacpipish, Senaquerib paipac dios Nisrocpac huasipi paita adoracucpimi, paipac churicuna Adramelec, Sarezer espadahuan huañuchirca. Shina huañuchishpaca Ararat llactamanmi miticushpa rirca. Paipac randica paipac churi Esarhadonmi mandai callarirca.

ISAÍAS 44:17

Chai puchushca caspillahuantac ruhuashca diospac ñaupapi cumurishpa mañashpaca: «Canca ñuca diosmi cangui. Chaimanta quishpichiyari» ninmi.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

ISAÍAS 46:7

Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

JEREMÍAS 10:5

Pepino chagra chaupipi volac animalcunata manchachichun churashca shinami, mana rimarishpa shayacun. Mana puri pudicpimi, huandushpa apan. Chaicunaca ima allitapish, ima mana allitapish mana ruhuai pudinchu. Chaimanta ama manchaichicchu» ninmi.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

JONÁS 1:5

Chaimantami barcota purichiccunaca yallita mancharishpa, paicunapac diosta caparishpa, mañarca. Shinallatac barco pangalla tucuchunmi, cargacunataca yacupi shitarca. Ashtahuanpish Jonasca chai barco ucuman yaicushpami, yallita sueñucurca.

HABACUC 2:18

Artesano ruhuashca diosca, ¿imapactac valin? Yacuyachishpa ruhuashca diosca, ¿imapactac valin? Chai diosca llullamanmi apan. Imamanpish riccha, mana rimaric dioscunata ruhuacca, ¿ima shinatac chai dioscunapi shunguta churanga?

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.

SOFONÍAS 1:9

Chai punzhallatacmi pungu jahuata saltashpa pasaccunatapish, paicunapac amocunapac huasicunapi shuhuashpa jundachiccunatapish, umaccunatapish llaquichisha» ninmi.

SAN MATEO 6:7

Diosta mañashpaca, ama chai Diosta mana ricsiccuna shina cutin cutin chaillatatac rimashpa mañaichicchu. Paicunaca “Chashna mañacpica Diosca uyangami” yuyashpami, chashnaca mañancuna.

1 CORINTIOS 12:2

Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi.

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

1 SAMUEL 5:3

Asdod pueblopi causaccuna cayandi tutamanta jatarishpaca Dagón diosca Mandac Diospac Arca ñaupapi urai singa urmashpa siricushcatami ricurca. Chaimantaca tucuilla jatarichishpami, pai tiyacushca pushtullapitac cutin churarca.