1 REYES 18:20 - Dios Rimashcata Quillcashcami

²⁰ Acabca tucui israelcunatapish, Baalmanta huillaccunatapish Carmelo urcupimi tandachirca.

1 REYES 18:20 ပူးပေါင်းရင်းမြစ်များ

1 REYES 18:19

Cunanca, tucui israelcunata Carmelo urcupi tandachichun maijancunata cachai. Shinallatac Baal diosmanta huillac chuscu patsac pichca chunga runacunatapish, Asera huarmi diosmanta huillac chuscu patsac runacunatapish tandachi. Paicunamanca Jezabelmi micunata carashpa charicun— nirca.

1 REYES 18:21

Chashna tandachicpimi, gentecunapac ñaupaman Elías cuchuyashpaca: —¿Ima horascamantac cancunaca cashna ishcai yuyaihuan causagringuichic? Mandac Dios, Dios cacpica, paita catichicyari. Mana cashpaca Baal dios cacpica, paita catichicyari— nirca. Shina nicpica, gentecunaca imata mana nircachu.

1 REYES 18:42

Shina nicpimi, Acabca micushpa, ubiashpa tiyacungapac huichai rirca. Eliasca Carmelo urcu jahuaman rishpami cungurishpa, paipac ñahuitaca mucu chaupipi churarca.

1 REYES 22:6

Shina nicpimi, Israel llactata jatun mandacca Diosmanta huillac chuscu patsac runacunata tandachishpaca: —¿Galaad llacta Ramot pueblopi causaccunahuan macanacungapac rishachu, mana cashpaca saquishachu?— nirca. Shina nicpimi paicunaca: —Rilla, Mandac Diosca chai pueblopi causaccunataca jatun mandacpac maquipimi churanga— nirca.

1 REYES 22:9

Shina nicpimi, Israel llactata jatun mandac paita servic shuc mandacta cayashpaca: «Imlapac churi Micaiasta utca pushamugri» nirca.

2 REYES 2:25

Eliseoca chai pueblomantaca Carmelo urcumanmi rirca. Chaimantaca Samaria pueblomanmi cutirca.

JEREMÍAS 23:13

Samaria llacta huillaccunataca mana allita huillacuctami ricurcani. Paicunaca Baal diospac shutipi huillashpami, ñuca acllashca israelcunataca pandachirca.