1 REYES 18:13 - Dios Rimashcata Quillcashcami

¹³ Mandac Diosmanta huillaccunata Jezabel huañuchicucpi, ñuca imata ruhuashcataca ¿Manachu ñucata mandac canman huillarca? Mandac Diosmanta huillaccunataca pichca chungataca shuc jatun jutcupi, caishuc pichca chungataca shuctac jatun jutcupimi pacarcani. Shina pacashpaca, tandata, yacutapish cararcanimi.

1 REYES 18:13 ပူးပေါင်းရင်းမြစ်များ

1 REYES 18:14

¿Chashna cacpichu cunanca: “Cambac amopacman rishpa: ‘Eliasca caipimi’ nigri” ningui? ¡Paica ñucata huañuchingami!— nirca.

1 REYES 18:4

Jezabel Mandac Dios ima nishcata huillaccunata huañuchicucpica, Abdiasmi chai huillaccunamantaca patsac runacunata apashpa pichca chungataca shuc jatun jutcupi, caishuc pichca chungataca shuctac jatun jutcupi pacarca. Shina pacashpaca, tandata, yacutapish cararcami.

2 REYES 6:32

Jatun mandac shuc runata Eliseopacman cachacpica, paica paipac huasipimi yuyac runacunahuan carca. Ashtahuanpish, huillangapac shamuc runa manarac chayamucpimi, Eliseoca yuyac runacunataca: —Huañuchic runaca ñuca umata pitichunmi cachashca. Chai huillangapac shamuc runa shamucpica, punguta huichcashpa, ama yaicuchinguichu. Paipac amopish paipac huashatami sarushca uyarishpa shamucun— nirca.

PROVERBIOS 28:12

Cashcata ruhuaccuna cushicucpica, yallita cushicuimi tiyan. Ashtahuanpish Diosta mana manchaccuna jataricpica, tucuimi miticuncuna.

SAN MATEO 25:35

Ñuca yarcaihuan cacpica, cararcanguichicmi. Yacunayaihuan cacpipish, ubiachircanguichicmi. Samarinata mana charicpipish, pozachircanguichicmi.

HECHOS 20:34

Chaipac randica ñucamanpish, ñucahuan puriccunamanpish ima illashcata charingapacca, ñuca maquihuanmi trabajarcani. Chaitaca cancunallatac yachanguichicmi.

HEBREOS 11:38

Cai pachaca mana chashna alli gentecuna causangapacchu carca. Paicunaca shitashca pambacunapi, urcucunapi, machaicunapi, ucuta jutcushcacunapimi llaquinayaita causarca.