1 REYES 17:24 - Dios Rimashcata Quillcashcami

²⁴ Chaimantami chai huarmica Eliastaca: —¡Diospac runa cactaca cunanmi yachani! ¡Mandac Diospac shimitapish mana llullashpa huillashcataca cunanmi yachani!— nirca.

1 REYES 17:24 ပူးပေါင်းရင်းမြစ်များ

1 REYES 12:22

Ashtahuanpish Mandac Diosca paipaclla cac Semaiasta rimashpaca:

1 REYES 17:23

Eliasca paipac ucumanta huahuata marcashpa apamushpaca: —¡Riqui, cambac huahuaca causarircami!— nishpami mamaman curca.

2 REYES 4:16

Eliseoca: —Cai shamuc huata, cunan shina punzhapica shuc huahuatami marcashca cangui— nirca. Shina nicpi, chai huarmica: —¡Ñuca mandaclla, Diospac runalla! ¡Canta servic ñucataca ama yanga crichichu!— nirca.

2 REYES 4:9

Chaimantami chai huarmica paipac cusataca: —Riqui, cai ñucanchic huasita pasac runaca Diospaclla chicanyachishca runa cashcatami yachani.

ECLESIASTÉS 12:10

Huillac runaca sumac rimaicunata tarishpa, mana llullac rimaicunata allita quillcanatami munarca.

SAN JUAN 11:15

Ñucaca chaipi mana cashcamantaca cushicunimi. Paica cancuna ashtahuan ñucata crichunmi huañushca. Chaimi cancunamanca ashtahuan alli. Cunanca jacuchic, ricushun— nirca.

SAN JUAN 11:42

Ñuca mañashcata can uyac cashcataca yachanimi. Caipi ñucahuan cac gentecuna ñucata can cachashcata crichunmi, cashna nini— nirca.

SAN JUAN 15:24

Pi mana ruhuaipaccunata paicunapac ñaupapi ñuca mana ruhuashca cacpica, paicunaca mana juchayucchu canman carca. Ashtahuanpish cunanca ñuca ruhuashcacunata ricushpapish ñucatapish, ñuca Taitatapish piñancuna.

SAN JUAN 16:30

Cunanmi can tucuita yachac cashcata yachanchic. Pipish manarac tapucpimi, canca yachangui. Chaimantami cantaca Diosmanta shamushca cashcata crinchic— nirca.

SAN JUAN 2:11

Galilea llacta Caná pueblopimi Jesusca milagrota ruhuai callarirca. Chaipimi paica poderyuc cashcata ricuchirca. Chashna ruhuacpimi, paipac yachacuccunaca Diosmanta shamushca cashcata crircacuna.

SAN JUAN 3:2

Pai Jesuspacman tuta rishpaca: —Yachachic, canca Dios cachashca yachanchicmi. Pipish can ruhuacuc shina, milagrocunataca mana Dios-huan cashpaca, mana ruhuanmanchu— nirca.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.

1 JUAN 2:21

Chashna cashcata nic huillashcata ña cancuna yachacpimi quillcani. Mana yachacpica, mana quillcaimanchu carcani. Cashcata nic huillashcapi ima llulla mana tiyashcataca, cancunallatacmi yachanguichic.