1 REYES 17:13 - Dios Rimashcata Quillcashcami

¹³ Shina nicpimi Eliasca: —Ama manchaichu. Can ima shina nishca shinallatac ruhuagrilla. Shina cacpipish can charishca harinamantaca ñucamanrac shuc uchilla tortata cusashpa apamugri. Quipaca canman, cambac huahuamanpish ruhuanguillami.

1 REYES 17:13 ပူးပေါင်းရင်းမြစ်များ

GÉNESIS 26:24

Chai tuta Mandac Dios paiman ricurishpaca: «Ñucaca, Abrahampac Diosmi cani. Ama manchaichu, ñucaca canhuanmi cani. Ñucata servic Abrahamta cuyashpami, bendiciashpa, cambac huahua huahuacunatapish achcata mirachisha» nirca.

1 REYES 17:12

Chashna nicpimi, chai huarmica: —¡Canta Mandac Diospac shutipimi nini: Cusashca tandataca mana charinichu! ¡Maqui junda harinallatacmi puñupi charini! Aceitetapish ashallatami pomapi charini. Cunanca, ishcailla yantatami ñuca cari huahuahuan tandata ruhuashpa micungapac murucuni. Caita micushpaca huañushunllami— nirca.

1 REYES 17:14

Israelcunata Mandac Diosca: “Cai llactapi ñuca tamyachingacamanca chai puñupi tiyac harinapish, pomapi tiyac aceitepish mana tucuringachu” ninmi— nirca.

2 REYES 6:16

Shina nicpimi Eliseoca: —Ñucanchic-huan caccunami paicunahuan cacta atishpa ashtahuan achcacuna. Chaimanta ama manchaichu— nirca.

2 CRÓNICAS 20:17

Cunanca mana cancunachu macanacuna canguichic, ashtahuanpish Mandac Dios ima shina ayudacta ricushpa casilla shayacunguichiclla. Judapi, Jerusalenpi causaccuna ama manchaichicchu, ama chucchuichicchu. Cayaca paicunahuan macanacungapac llucshichiclla. Mandac Diosmi cancunahuan canga” nini» nirca.

ÉXODO 14:13

Shina nicpimi, Moisesca israelcunataca: —¡Ama manchaichicchu! Sinchiyashpa, Mandac Dios ima shina quishpichicta ricuichic. Cunanllami Egipto runacunata ricucunguichic. Cutinca manatac ricunguichicchu.

PROVERBIOS 3:9

Mandac Diostaca cambac charishcacunahuan, punta pucushca granocunahuan alli ningui.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 41:13

Mandac Dios ñucami, cancunapac alli lado maquimanta pushashpaca: “Ama manchaichicchu, ñucami cancunataca ayudasha” nini.

MALAQUÍAS 3:10

Ñuca huasipica micuna ama illachun, chungamanta shucta apamushpa, maipi huacaichinapi churashpa ricuichic. Cancuna shina ruhuacpica, ñucapish jahua pacha ventanacunata pascashpami, yallita bendiciasha.

SAN MATEO 10:37

Maijanpish taita mamata ñucata yalli cuyacca, mana ñucapacchu. Maijanpish paipac huahuacunata ñucata yalli cuyacca, mana ñucapacchu.

SAN MATEO 28:5

Angelca huarmicunataca: «Ama mancharichicchu. Cruzpi chacatashca Jesusta mashcacushcataca yachanimi.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

HECHOS 27:24

Chai angelmi ñucataca: “Pablo, ama manchaichu. Canca Roma llactata jatun mandac Cesarpacman chayanguimi. Canmantami tucui canhuan riccunatapish huañuimanta quishpichisha” nirca.

HEBREOS 11:17

Abrahamca crishcamantami, Dios ima shina cric cashcata ricusha nicpica, paipac shuclla churi cacpipish,

1 PEDRO 1:7

Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.