1 REYES 16:34 - Dios Rimashcata Quillcashcami

³⁴ Acab mandacuc huatacunapica Bet-el pueblopi causacuc Hielmi Jericó pueblota cutin allichirca. Chai pueblo muyundipi jatun pircata shayachingapac callari rumicunata churacucpica, paipac punta churi Abirammi huañurca. Chai pircapi punguta churacucpica, paipac quipa churi Segubmi huañurca. Chashna llaqui tucunataca Nunpac churi Josueman, Mandac Dios huillashca shinami tucurca.

1 REYES 16:34 ပူးပေါင်းရင်းမြစ်များ

2 SAMUEL 10:5

David chaita yachashpaca, paicuna yallita pingaihuan cacpimi, paicunata tupachun cacharca. Tupagriccunataca: «Jericó pueblollapi barbas huiñangacaman saquirichic. Quipaca cutinguichicllami» nichunmi cacharca.

ESDRAS 2:34

Jericó pueblomantaca quimsa patsac chuscu chunga pichcami cutimurca.

ZACARÍAS 1:5

¿Maipitac cancunapac ñaupa taitacunaca? Ñuca ima nishcata huillaccunaca, ¿huiñaitachu causanga?

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

JOSUÉ 6:26

Chai punzhacunapimi Josueca pactachingapac ari nishpaca: «¡Maijanpish cai Jericó pueblota cutinllatac allichishpa shayachicca Mandac Diospac ñaupapi mana alli nishca cachun! Cai pueblo callari pircataca paipac punta churipac jahuapi churachun. Cai pueblo pungutaca quipa churipac jahuapi churachun» nirca.