1 REYES 16:29 - Dios Rimashcata Quillcashcami

²⁹ Judá llactata jatun mandac Asa quimsa chunga pusac huatata mandacucpimi, Omripac churi Acabca Israel llactata mandai callarirca.

1 REYES 16:29 ပူးပေါင်းရင်းမြစ်များ

1 REYES 16:21

Israelcunaca ishcaipimi chaupirircacuna. Shuc chaupica Ginatpac churi Tibnitami jatun mandac cachun churashun nircacuna. Caishuc chaupica Omritami churashun nircacuna.

1 REYES 16:23

Judá llactata jatun mandac Asa quimsa chunga shuc huatata mandacucpimi, Omrica Israel llactata mandai callarirca. Paica chunga ishcai huatatami mandarca. Sucta huatataca Tirsa pueblopimi mandarca.

1 REYES 16:24

Omrica Semermanmi Samaria urcuta ishcai talento cullquipi randirca. Chai urcupi shuc pueblota ruhuashpami, chai urcuta catuc Semer shuti cashcamanta chai pueblotaca Samariata shutichirca.

1 REYES 16:28

Omri huañushpa, paipac ñaupa taitacunahuan tandanacucpica, Samaria pueblopimi enterrarca. Paipac randica paipac churi Acabmi mandarca.

1 REYES 16:30

Omripac churi Acabca ishcai chunga ishcai huatatami Samaria pueblopi mandarca. Omripac churi Acabca Mandac Diospac ñaupapica paipac punta mandaccunata ashtahuan yallimi mana allita ruhuarca.

1 REYES 16:33

Acabca Asera huarmi diostapish ruhuarcami. Chashnami Acabca Israel llactata paipac punta mandaccunatapish yalli ashtahuan mana allita ruhuashpa, israelcunata Mandac Diostaca yallita piñachirca.

1 REYES 21:18

«Israel llactata jatun mandac Acabhuan tupangapac urai ri. Paica Samaria pueblopimi causan. Cunanca, uvas chagrahuan cac Nabotpac allpata japingapacmi urai rishpa paica chaipi puricun.

2 CRÓNICAS 25:13

Paicuna chashna ruhuacpica, Amasías macanacuiman mana aparishca cutichishpa cachashca soldadocunaca Judá llacta pueblocunaman yaicushpami, Samaria pueblomanta Bet-horón pueblocaman yallita llaquichishpa, quimsa huaranga runacunata huañuchishpa, achca charishcacunatapish quichushpa aparca.

JEREMÍAS 41:5

Siquem, Silo, Samaria llactacunamanta pusac chunga runacuna Mizpa llactaman shamurca. Paicunaca barbasta pitishca, churanacunapish lliquishca, tucui cuerpopish aspishcami ofrendata, inciensota, Mandac Diospac huasiman apamurca.

OSEAS 13:1

Efraín aillu rimaricpica, yallitami mancharic carca. Israel llactapica, alli nishcami carca. Ashtahuanpish Baal diosta mañashpa, juchallishcamantami huañurca.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.