1 REYES 16:24 - Dios Rimashcata Quillcashcami

²⁴ Omrica Semermanmi Samaria urcuta ishcai talento cullquipi randirca. Chai urcupi shuc pueblota ruhuashpami, chai urcuta catuc Semer shuti cashcamanta chai pueblotaca Samariata shutichirca.

1 REYES 16:24 ပူးပေါင်းရင်းမြစ်များ

1 REYES 13:32

Mandac Dios mandashcamanta Bet-el pueblopi tiyac altarpish, Samaria llacta pueblocunapac lomacunapi tiyac tucui altarcunapish urmangami nishpa caparishpa huillashcaca pactangami» nirca.

1 REYES 16:32

Baal diosman Samaria pueblopi ruhuashca huasipimi Baal diosman shuc altarta ruhuarca.

1 REYES 18:2

Shina nicpimi, Eliasca Acabpac ñaupapi ricurigrirca. Samaria pueblopica jatun yarcaimi tiyarca.

1 REYES 20:1

Siria llactata jatun mandac Ben-adadca tucui paipac soldadocunata tandachishpami, quimsa chunga ishcai jatun mandaccunata paicunapac caballocunandi, carretacunandi tandachirca. Chashna tandachishpaca, Samaria puebloman huichai rishpami, chai pueblopi causaccunahuan macanacungapac muyushpa shayarirca.

1 REYES 22:37

Jatun mandacca huañurcami» nishpa uyarirca. Pai huañucpica, Samaria puebloman apashpami chaipi enterrarca.

2 REYES 10:1

Acabca Samaria pueblopica canchis chunga churitami charirca. Chaimantami Jehuca Jezreel pueblota mandaccunaman, pushac yuyaccunaman, Acabpac churicunata yachachiccunaman quillcashpa, Samaria puebloman cacharca. Chai quillcapica:

2 REYES 15:13

Judá llactata jatun mandac Azarías quimsa chunga iscun huatata mandacucpimi, Jabespac churi Salumca Israel llactata mandai callarirca. Paica shuc quillatami Samaria pueblopi mandarca.

2 REYES 17:1

Judá llactata jatun mandac Acaz chunga ishcai huatata mandacucpimi, Elapac churi Oseasca Israel llactata mandai callarirca. Paica iscun huatatami Samaria pueblopi mandarca.

2 REYES 17:24

Asiria llactata jatun mandacca Babilonia, Cuta, Ava, Hamat shinallatac Sefarvaim pueblocunamantami gentecunata apamushpa, Samaria llacta pueblocunapi israelcunapac randi causachun churarca. Paicunaca Samaria llactata japishpami, chaipi tiyac pueblocunapi causarcacuna.

2 REYES 17:6

Iscun huatata Oseas mandacucpimi, Asiria llactata jatun mandacca Samaria pueblota quichushpa, israelcunatapish Asiria llactaman prezu aparca. Chashna apashpami, Gozán yacu ladopi tiyac Halah, Habor pueblocunapi medocunapac pueblocunapi causachun churarca.

JEREMÍAS 41:5

Siquem, Silo, Samaria llactacunamanta pusac chunga runacuna Mizpa llactaman shamurca. Paicunaca barbasta pitishca, churanacunapish lliquishca, tucui cuerpopish aspishcami ofrendata, inciensota, Mandac Diospac huasiman apamurca.

AMÓS 6:1

¡Sionpi cushilla causaccunalla, Samaria urcupi imatapish mana manchashpa causaccunalla! Tucui llactamanta ashtahuan alli nishca mandaccunami canguichic. Chaimantami israelcunaca cancunapacman shamun.

MIQUEAS 1:5

Tucui cai llaquicunaca Jacobopac, Israelpac huahuacunapish mana cazushpa juchallishcamantami japinga. Jacobopac huahuacunaca, ¿ima juchacunatatac ruhuarcayari? ¿Manachu Samaria llactapi ruhuashca juchacuna canga? Judá llactapi causaccunaca, ¿ima juchacunatatac ruhuashcayari? ¿Manachu Jerusalenpi ruhuashca juchacuna canga?