1 REYES 16:21 - Dios Rimashcata Quillcashcami

²¹ Israelcunaca ishcaipimi chaupirircacuna. Shuc chaupica Ginatpac churi Tibnitami jatun mandac cachun churashun nircacuna. Caishuc chaupica Omritami churashun nircacuna.

1 REYES 16:21 ပူးပေါင်းရင်းမြစ်များ

1 REYES 15:25

Judá llactata jatun mandac Asa ishcai huatata ña mandacucpimi, Jeroboampac churi Nadabca israelcunata mandai callarirca. Paica ishcai huatatami Israel llactata mandarca.

1 REYES 15:28

Jatun mandac Asa ña quimsa huatata Judá llactata mandacucpimi, Nadabta Baasaca huañuchirca. Chashna huañuchishpami, Nadabpac randica paillatac mandarca.

1 REYES 16:20

Zimripac shuctac ruhuashcacunapish, jatun mandac huañuchingapac pacalla parlanacushcapish, Israel llactata jatun mandaccuna imata ruhuashcacunata quillcashcapimi tiyacun.

1 REYES 16:22

Ashtahuanpish Omrihuan cac gentecunami Ginatpac churi Tibnihuan caccunata atircacuna. Shina Tibni huañucpica, Omrimi jatun mandac tucurca.

1 REYES 16:29

Judá llactata jatun mandac Asa quimsa chunga pusac huatata mandacucpimi, Omripac churi Acabca Israel llactata mandai callarirca.

1 REYES 16:8

Judá llactata jatun mandac Asa ishcai chunga sucta huatata mandacucpimi, Baasapac churi Elaca Israel llactata Tirsa pueblopi mandai callarirca. Paica ishcai huatatami mandarca.

PROVERBIOS 28:2

Llactapi causaccuna mana cazushcamantami mandaccunaca shuctac shuctac ricurin. Ashtahuanpish yachaisapa mandacca pipish mana cuyuchipac mandacunllami.

ISAÍAS 19:2

Egiptopi causaccunataca paicunapurallatacmi macanacuchisha. Huauquipurallatac, apanacucpurallatacmi macanacunga. Shuc llactaca caishuc llactahuan, shuc jatun mandacca caishuc jatun mandac-huanmi macanacunga.

SAN MATEO 12:25

Chashna yuyacushcata yachashpami Jesusca: «Shuc llactata mandaccunapura piñanacushpa macanacucpica, chai llactaca tucuringami. Shuc pueblopi, mana cashpaca shuc huasipi causaccunapura piñanacushpa macanacucpica tucuringami.