1 REYES 16:2 - Dios Rimashcata Quillcashcami

² «Cantaca ñuto allpamanta jatarichishpami, ñuca acllashca israelcunata mandachun churarcani. Ashtahuanpish canca Jeroboam shinallatac juchata ruhuashpami ñuca acllashca israelcunatapish juchata ruhuachishcangui. Can ruhuashca juchacunahuanmi ñucataca yallita llaquichingui.

1 REYES 16:2 ပူးပေါင်းရင်းမြစ်များ

1 REYES 14:16

Jeroboam juchata ruhuashpami, israelcunatapish juchapi urmachishca. Chaimantami Diosca Jeroboam juchata ruhuashcamantaca israelcunataca shucpac maquipi churanga» nirca.

1 REYES 14:7

Jeroboampacman cutishpa, israelcunata Mandac Diosca: “Ñucami cantaca israelcunapac chaupimanta acllashca israelcunata mandachun churarcani.

1 REYES 15:26

Paica Mandac Diospac ñaupapica, mana allita ruhuashpami, paipac taita ruhuashca juchacunallatatac ruhuashpa israelcunatapish juchallichishpa causarca.

1 REYES 15:34

Baasaca Mandac Diospac ñaupapica mana allita ruhuashpami, paipac taita Jeroboam ruhuashca juchacunallatatac ruhuashpa israelcunatapish juchallichishpa causarca.

ÉXODO 32:21

Shinami Moisesca Aarontaca: —Cai gentecunaca, ¿imatatac cantaca ruhuarcayari? ¿Ima nishpatac jatun juchata ruhuangacaman saquircanguiyari?— nirca.

JEREMÍAS 7:18

Huahuacunaca yantatami tandan. Taitacunaca ninatami japichin. Huarmicunaca jahua pachata mandac huarmi diosman cungapacmi tandata masancuna. Shuctac dioscunaman ofrendata cushpami, vinota tallin. Chashna ruhuashpami, ñucataca yallita piñachincuna.

SAN MATEO 5:19

Maijanpish cai mandashcacunamanta uchilla mandashcata mana cazushpa, gentecunaman yachachicca, jahua pacha Dios mandacucpica uchilla nishcami canga. Maijanpish cai mandashcacunata cazushpa shuccunamanpish yachachicca, jahua pacha Dios mandacucpica, alli nishcami canga.

SAN LUCAS 1:52

Jatun mandaccunata mandanamanta anchuchishcami. Huacchacunatami jahuaman churashca.

1 SAMUEL 2:24

Ñuca huahuacunalla, mana chashna ruhuanachu canguichic. Cancunata mana alli nishpa parlanacushcaca mana alli uyarinchu. Mandac Dios acllashcacunatami juchata ruhuachinguichic.

1 SAMUEL 2:8

Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.

1 SAMUEL 26:19

Jatun mandac ñuca amolla, canta servic ñuca rimashcata uyai. Mandac Diosllatac ñucata llaquichichun canta yuyachicushpaca, ofrendata chasquichun. Ashtahuanpish runacunalla yuyaita cucucpica, Mandac Diosllatac yallita llaquichichun. Paicunami Mandac Dios cushca llactata ama ñuca japichun: “¡Shuc dioscunata servingapac ri!” nirca.