1 REYES 16:16 - Dios Rimashcata Quillcashcami

¹⁶ Gibetón pueblo cuchupi carpa huasicunata shayachishpa, chapac soldadocunaca: «Zimrica pacalla parlanacushpami, jatun mandactaca huañuchishca» nishcatami uyarcacuna. Chaimantami tucui israelcunaca chai macanacuna pamballapitac chai punzhallatac soldadocunata mandac Omrita paicunata jatun mandac cachun churarca.

1 REYES 16:16 ပူးပေါင်းရင်းမြစ်များ

1 REYES 15:27

Isacar aillupuramanta Ahiaspac churi Baasami Nadabta huañuchingapac shuccunahuan pacalla parlanacurca. Shina parlashpami, filisteocunapac Gibetón pueblopi macashpa huañuchirca. Nadabca tucui israelcunandimi, Gibetón pueblota japingapac ña chaupipi churashca carca.

1 REYES 16:15

Judá llactata jatun mandac Asa ishcai chunga canchis huatata mandacucpimi, Zimrica mandai callarirca. Paica canchis punzhallatacmi Tirsa pueblopi mandarca. Israelcunaca filisteocunapac llacta Gibetón pueblopi causaccunahuan macanacungapacmi carpa huasicunata shayachishpa chapacurcacuna.

1 REYES 16:17

Omrica tucui israelcunandi Gibetón pueblomanta huichai rishpami, Tirsa pueblota japingapac muyunacushpa shayarirca.

1 REYES 16:30

Omripac churi Acabca ishcai chunga ishcai huatatami Samaria pueblopi mandarca. Omripac churi Acabca Mandac Diospac ñaupapica paipac punta mandaccunata ashtahuan yallimi mana allita ruhuarca.

2 REYES 8:26

Ocoziasca ishcai chunga ishcai huatayuc cashpami mandai callarirca. Paica shuc huatallatami Jerusalenpi mandarca. Paipac mamaca Israel llactata jatun mandac Omripac ushi Ataliami carca.

2 CRÓNICAS 22:2

Ocoziasca chuscu chunga ishcai huatata charishpami, mandai callarirca. Paica shuc huatallatami Jerusalenpi mandarca. Paipac mamaca Omripac ushi Ataliami carca.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.