1 REYES 15:5 - Dios Rimashcata Quillcashcami

⁵ Davidca tucui paipac causaipimi alli ruhuashpa, ima mandashcacunatapish pactachishpa Mandac Diospac ñaupapi causarca. Paica heteopura Uriasta llaquichishpallami, Diostaca nanachirca.

1 REYES 15:5 ပူးပေါင်းရင်းမြစ်များ

1 REYES 14:8

Davidpac huasi ucupuramanta mandanata quichushpami, canman curcani. Canca ñucata servic David shinaca mana canguichu. Davidca ñuca mandashcacunata pactachishpami, tucui shunguhuan ñucata cazushpa, ñuca ñaupapi allita ruhuashpa causarca.

1 REYES 15:3

Abiamca pai manarac tiyacpi, paipac taita juchata ruhuashpa causashca shinallatacmi, juchata ruhuashpa causarca. Paica mana paipac ñaupa taita David shina, paita Mandac Diostaca tucui shunguhuan cazurcachu.

1 REYES 3:3

Salomonca Mandac Diosta cuyarcami, paipac taita David yachachishcatapish cazushpami causarca. Shina cashpapish, lomacunapi tiyac altarcunapimi animalcunata Diosman cushpa huañuchic carca, shinallatac inciensotapish cushnichic carca.

1 REYES 9:4

Cambac taita David causashca shinallatac alli causangui. Tucui shunguhuan ñucata cazushpa, tucuipac allita ruhuashpa, ñuca mandashcacunata pactachishpa, ñuca quillcachishcacunata, imata ruhuachun nishcacunata pactachishpa causangui.

2 REYES 22:2

Mandac Diospac ñaupapica allita ruhuashpami causarca. Paipac ñaupa taita David causashca shinallatacmi alli ladomanpish, lluqui ladomanpish mana ladoyashpa allita causarca.

2 CRÓNICAS 34:2

Paica ñaupa taita David shinallatacmi Mandac Diospac ñaupapica alli ladomanpish lluqui ladomanpish, mana ladoyashpa allita ruhuashpa causarca.

SALMOS 119:102

Canmi ñucata yachachic cangui. Chaimantami can yachachishcamantaca manatac anchurircani.

SALMOS 119:6

Can mandashcacunata tucui pactachishpaca, mana pingaichishcachu casha.

SALMOS 51:1

Ñuca Dioslla, can llaquic cashca shinallatac ñucata llaquiyari. Can yallita llaquic cashcamanta ñuca mana cazushcata pichaiyari.

SAN LUCAS 1:6

Zacariaspish, Elisabetpish Diospac ñaupapi cashcata ruhuashpami, allita causarca. Paicunaca Dios mandashcacunatapish, yachachishcacunatapish tucuita pactachicmi carca.

HECHOS 13:22

Saulta llucchishpaca, Davidtami jatun mandac cachun churarca. Diosca Davidmanta rimashpaca: “Isaipac churi Davidllami ñuca ima nishcata ruhuashpa, ñuca munashca shina mandanga” nirca.

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

DEUTERONOMIO 17:20

Chashna ruhuacpimi, paicunapac huauquicunapurapi mana jatun tucushpa, allimanpish lluquimanpish mana ladoyashpa, mandashcacunallata ruhuanga. Chashnami israelpurapica unaita paipish, huahuacunapish mandacungalla.

1 SAMUEL 25:28

Canta servic ñuca piñachishcataca perdonai. Mandac Diosllatacmi can ñucata mandacmanca huiñaita mandanata cunga. Ñuca amomi Mandac Diosmanta macanacucun. Cambac tucui causaipi ima mana allica canpica mana tiyangachu.