1 REYES 15:28 - Dios Rimashcata Quillcashcami

²⁸ Jatun mandac Asa ña quimsa huatata Judá llactata mandacucpimi, Nadabta Baasaca huañuchirca. Chashna huañuchishpami, Nadabpac randica paillatac mandarca.

1 REYES 15:28 ပူးပေါင်းရင်းမြစ်များ

1 REYES 15:16

Asahuan, Israel llactata jatun mandac Baasahuanca tucui pachami macanacushpa causarcacuna.

1 REYES 15:27

Isacar aillupuramanta Ahiaspac churi Baasami Nadabta huañuchingapac shuccunahuan pacalla parlanacurca. Shina parlashpami, filisteocunapac Gibetón pueblopi macashpa huañuchirca. Nadabca tucui israelcunandimi, Gibetón pueblota japingapac ña chaupipi churashca carca.

1 REYES 15:29

Pai mandai callarishpaca, Jeroboampac huasi ucupurataca shucllatapish mana saquishpami, tucui huañuchirca. Jeroboampac huahua huahuacunataca Diosta servic Ahiasman Mandac Dios huillachishca shinallatacmi chashna ruhuarca. Ahiasca Silo pueblopimi causarca.

1 REYES 16:21

Israelcunaca ishcaipimi chaupirircacuna. Shuc chaupica Ginatpac churi Tibnitami jatun mandac cachun churashun nircacuna. Caishuc chaupica Omritami churashun nircacuna.

DEUTERONOMIO 32:35

Ima shina llaquichina cashca shina, llaquichinapish ñucapacmi. Ima punzha pactacpimi, chaqui lluchcaric shina urmanga. Paicuna chingarinaca ñami pactamucun. Paicunaman allichishcapish ñami chayamucun.