1 REYES 15:27 - Dios Rimashcata Quillcashcami

²⁷ Isacar aillupuramanta Ahiaspac churi Baasami Nadabta huañuchingapac shuccunahuan pacalla parlanacurca. Shina parlashpami, filisteocunapac Gibetón pueblopi macashpa huañuchirca. Nadabca tucui israelcunandimi, Gibetón pueblota japingapac ña chaupipi churashca carca.

1 REYES 15:27 ပူးပေါင်းရင်းမြစ်များ

1 REYES 14:14

Israelcunata mandachunca Mandac Diosllatacmi shuc jatun mandacta churanga. Chai mandacmi Jeroboampac huahua huahuacunataca pai mandacui punzhallapitac tucui tucuchinga. Cunanmanta pachami,

1 REYES 15:28

Jatun mandac Asa ña quimsa huatata Judá llactata mandacucpimi, Nadabta Baasaca huañuchirca. Chashna huañuchishpami, Nadabpac randica paillatac mandarca.

1 REYES 16:10

Chashna machashca tiyacucpimi, Zimrica chaiman chayashpa, Elata macashpa huañuchishpa, paipac randi mandai callarirca. Judá llactata jatun mandac Asaca ñami ishcai chunga canchis huatata mandacurca.

1 REYES 16:15

Judá llactata jatun mandac Asa ishcai chunga canchis huatata mandacucpimi, Zimrica mandai callarirca. Paica canchis punzhallatacmi Tirsa pueblopi mandarca. Israelcunaca filisteocunapac llacta Gibetón pueblopi causaccunahuan macanacungapacmi carpa huasicunata shayachishpa chapacurcacuna.

1 REYES 16:16

Gibetón pueblo cuchupi carpa huasicunata shayachishpa, chapac soldadocunaca: «Zimrica pacalla parlanacushpami, jatun mandactaca huañuchishca» nishcatami uyarcacuna. Chaimantami tucui israelcunaca chai macanacuna pamballapitac chai punzhallatac soldadocunata mandac Omrita paicunata jatun mandac cachun churarca.

1 REYES 16:17

Omrica tucui israelcunandi Gibetón pueblomanta huichai rishpami, Tirsa pueblota japingapac muyunacushpa shayarirca.

1 REYES 16:7

Mandac Diosca pai ima nishcata huillac Hananipac churi Jehumanmi Baasatapish, paipac familiatapish llaquichinata huillarca. Mandac Diospac ñaupapi Baasa paipac maquihuan mana allita ruhuashpa Diosta piñachishcamantami Jeroboampac huasi ucupurata shina tucuchingapac chashna huillarca.

1 REYES 16:9

Carretacunapi puric chaupi soldadocunata mandac paita servic Zimrimi huañuchingapac shuccunahuan pacalla parlanacurca. Elaca Tirsa pueblopimi paipac mayordomo Arsapac huasipi ubiashpa, machashpa tiyacurca.

2 REYES 12:20

Joastaca paita serviccunallatacmi huashalla parlanacushpa, Sila puebloman urai rina ñan Milo pushtupi huañuchirca.

2 REYES 12:21

Paica paita servic Simeatpac churi Josacar, Somerpac churi Jozabad chugrichicpimi huañurca. Joastaca paipac ñaupa taitacunata enterrashca Davidpac pueblollapitacmi enterrarca. Paipac randica, paipac churi Amasiasmi mandarca.

2 REYES 9:14

Nimsipac nieto Josafatpac churi Jehuca Joramta huañuchingapacmi israelcunahuan pacalla parlanacurca. Joramca Siria llactata jatun mandac Hazael ama yaicuchunmi, Galaad llacta Ramot pueblotaca tucui israelcunahuan cuidacurca.

2 CRÓNICAS 24:25

Chai Siria llactamanta soldadocunaca Joastaca yallita macashpami, ña huañunallata saquirca. Paitaca Joiada curapac churita huañuchishpa, yahuarta jichashcamantami paita serviccunallatac pacalla jatarishpa, paipac camallapitac huañuchirca. Shina huañucpica, Davidpac pueblopimi enterrarca. Ashtahuanpish jatun mandaccunata enterrashca jutcupica mana enterrarcachu.

JOSUÉ 19:44

Elteque, Gibetón, Baalat,

JOSUÉ 21:23

Dan aillupac llactamantaca Elteque, Gibetón pueblocunatami michina pambacunandi,