1 REYES 14:4 - Dios Rimashcata Quillcashcami

⁴ Jeroboampac huarmica pai nishca shina ruhuashpami, Silo pueblopi causac Ahiaspac huasiman chayarca. Ahiasca ña yuyac cashpami, paipac ñahui amsayacpi, mana alli ricui pudirca.

1 REYES 14:4 ပူးပေါင်းရင်းမြစ်များ

GÉNESIS 27:1

Isaacca yallita yuyacpish, ñahui mana ricucpish cashpami paipac punta churi Esauta cayashpaca: —¡Ñuca huahua Esaulla!— nirca. Shina nicpimi Esauca: —Caipimi cani— nirca.

GÉNESIS 48:10

Taita Israelca yallita yuyac cashpami ñahuipish mana alli ricuc carca. José paipac churicunata chayachicpimi, ucllashpa mucharca.

1 REYES 11:29

Chai punzhacunallapitac Jeroboam Jerusalenmanta llucshishpa, ricucpimi, Silo pueblomanta Dios ima nishcata huillac Ahiasca ñanpi tuparca. Chai runaca jahualla mushuc churanacunahuan churarishcami carca. Paicunaca ishcaindillami chai pambapi carcacuna.

1 REYES 14:2

Shina tucucpimi, Jeroboamca paipac huarmitaca: «Can ñuca huarmi cacta ama pi ricsichunca shuc churanata churarishpa, Silo pueblopi causac Dios ima nishcata huillac Ahías runapacman ri. Cai llactapi ñuca jatun mandac tucunataca paimi huillarca.

SALMOS 90:10

Ñucanchicca canchis chunga huatallatami causanchic. Unaita causac nishcami pusac chunga huatata causan. Chashna unaita causashpapish llaquihuan, nanaillahuanmi causanchic. Huatacuna utca pasacpica, ñucanchic causaipish utcami chingarin.

ECLESIASTÉS 12:3

Huasita cuidaccunapish chucchungami. Sinchi runacunapish cumiringami. Quirucunapish paquirishpa ashallayashpa mana cashtungachu. Ventanacunamanta ricuccunapish amsatami ricunga.

DEUTERONOMIO 34:7

Moisesca patsac ishcai chunga huatayuc cashpami huañurca. Paica jaicapi ñahui mana shuctaclaya tucurcachu. Alli sinchimi carca.

JOSUÉ 18:1

Tucui tandanacushca israelcuna chai llactacunata japishca quipaca, Silo pueblopimi tandanacushpa, Dios-huan tupana huasita shayachirca.

1 SAMUEL 3:2

Shuc punzhami Elí curaca paipac ñahui mana alli ricui pudicpi pai sueñuna ucupi sueñucurca.

1 SAMUEL 4:15

Elica ña iscun chunga pusac huatatami charirca. Paipac ñahuipish ña amsayashcamantami, mana ricui pudirca.