1 REYES 14:27 - Dios Rimashcata Quillcashcami

²⁷ Chai escudocunapac randica jatun mandac Roboamca bronce escudocunatami ruhuarca. Chai escudocunataca jatun mandacpac huasi pungupi cuidac soldadocunata mandaccunamanmi curca.

1 REYES 14:27 ပူးပေါင်းရင်းမြစ်များ

2 SAMUEL 11:9

Chashna cachacpipish, Uriasca huasiman mana rishpami, jatun mandac tiyana huasita cuidac soldadocunahuan pungupi pacarirca.

2 SAMUEL 15:1

Chai quipami Absalonca macanacuna carretacunata, caballocunata randirca. Shinallatac paita cuidac pichca chunga soldadocunatapish tandachircami.

1 REYES 14:1

Chai huatacunapimi Jeroboampac churi Abiasca ungurca.

1 REYES 14:28

Mandac Diospac huasiman jatun mandac ricpica, cuidac soldadocunaca chai escudocunata apashpami riccuna carca. Ña cutimushpaca, soldadocunapac ucullapitacmi churaccuna carca.

1 REYES 14:5

Ashtahuanpish Mandac Diosca Ahiastaca: «Uyai, Jeroboampac huarmimi paipac huahua ungushcata ricungapac shamugrin. Paita ama ricsichunca, shuctac churanata churarishcami shamunga» nishca carca.

1 REYES 18:46

Ashtahuanpish Eliasca Mandac Diosllata pushacpimi, alli chumbillirishpa, Acabta atishpa, Jezreel puebloman callpashpa chayarca.

2 REYES 11:19

Patsac soldadocunata mandaccunatapish, caishuc mandac soldadocunatapish, mandana huasipi cuidac soldadocunatapish, chai llactapi tucui causaccunatapish pushashpami, jatun mandactaca mandana huasita cuidac soldadocuna yaicuna ñanta Mandac Diospac huasiman aparca. Chaipimi jatun mandacca jatun mandaccuna tiyarinapi tiyarirca.

2 REYES 11:4

Ashtahuanpish canchis huata tucucpimi, Joiada curaca patsac soldadocunata, mandana huasita cuidaccunata tandachishpa, Mandac Diospac huasi ucuman pusharca. Chai huasi ucupimi paicunahuan shuclla yuyai tucushpa ari ninacurca. Chai quipami jatun mandac Ocoziaspac churi Joastaca ricuchirca.

1 SAMUEL 22:17

Shina nishpami, jatun mandacca paipac muyundi cuidashpa shayacuc soldadocunataca: —¡Mandac Diospac curacunata huañuchichic! Paicunaca Davidta ayudashpami, pai miticushpa ricta yachashpapish mana huillashcacuna— nirca. Shina nicpipish, jatun mandacta serviccunaca Mandac Diospac curacunata mana huañuchisha nircacunachu.

1 SAMUEL 8:11

Paica: —Caita alli yuyarichic. Cancunata jatun mandacca cancunapac churicunata apashpami macanacuna carretacunapi, caballocunapi tiyachishpa paipac carretapac ñaupata richun churanga. Maijancunataca paicunata cuidac cachunmi churanga.