1 REYES 14:15 - Dios Rimashcata Quillcashcami

¹⁵ Mandac Diosca yacu patapi cuyuricuc totorata shina israelcunataca caiman chaiman cuyuchinga. Paimi israelcunataca paicunapac ñaupa taitacunaman cushca sumac llactamanta llucchishpa, Eufrates yacu chimba ladocaman cachanga. Asera huarmi dioslayacunata ruhuashpa, Mandac Diosta piñachishcamantami chashnaca ruhuanga.

1 REYES 14:15 ပူးပေါင်းရင်းမြစ်များ

1 REYES 14:9

Ashtahuanpish, canca cambac ñaupa mandaccunata yallimari mana allita ruhuashcangui. Canca curita yacuyachishpa shuctac dioscunata ruhuashpami huashata ricuchishpa ñucata llaquichishpa causangui.

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 17:11

Mandac Dios paicunapac ñaupamanta llucchishpa cachashca gentecuna shinallatacmi, tucui chai altarcunapi inciensota rupachiccuna carca. Chashna yalli millaita ruhuashpami, Mandac Diosta yallita piñachircacuna.

2 REYES 17:16

Paicunata Mandac Dios mandashcacunata saquishpami, curita yacuyachishpa ishcai beci dioscunata ruhuarca. Shinallatac Asera huarmi diosman ricchacunatapish ruhuarca. Jahua pacha lucerocunatapish, Baal diostapish servircacuna.

2 REYES 17:17

Paicunapac churicunatapish, ushicunatapish chai diosman cushpami ninapi rupachircacuna. Adivinocunapish, brujocunapish tucurcacunami. Mandac Diospac ñaupapica mana allita ruhuashpa causashpami, yallita paitaca piñachirca.

2 REYES 17:23

Mandac Diosca pai ima nishcata huillac serviccunaman huillachishca shinallatacmi israelcunataca paipac ñaupamanta llucchishpa cacharca. Israelcunaca paicunapac llactamanta Asiria llactaman prezu apacpimi, cunancaman chaipi cancuna.

2 CRÓNICAS 7:20

ñucami cancunaman cushca llactamanta llucchishpa cachasha. Shinallatac ñuca shutipi mañana ñucapaclla cachun chicanyachishca cai huasitapish ñuca ñaupamanta anchuchishami. Shina ruhuacpimi, tucui llactapi causaccuna parlanacushpa burlashpa asingacuna.

SALMOS 52:5

Chaimantami Diosca cantaca causaita quichushpa huiñaipac chingachishpa, cambac huasi ucupuramanta anchuchinga. Cai pachapi causaccunapuramanta sapimanta llucchic shinami cantaca chingachinga.

PROVERBIOS 2:22

Ashtahuanpish Diosta mana manchaccunaca allpamanta anchuchishcami canga. Yachashpapish mana cazuccunaca chai allpamanta llucchishcami cangacuna.

JEREMÍAS 24:10

Paicunataca jatun macanacuipi, yarcaipi, mancharina ungüihuan llaqui tucuchunmi saquisha. Paicunamanpish, paicunapac ñaupa taitacunamanpish cushca llactapi tucuringacamanmi chashna llaquichisha» nirca.

JEREMÍAS 28:8

Chaica, sarun huatacunapi canpish, ñucapish manarac tiyacpimi, huillaccunaca llactacunapipish, jatun llactacunapipish macanacuicuna, llaquicuna, yalli ungüicuna tiyanata huillashca.

LEVÍTICO 26:43

Ashtahuanpish paicuna llucshishpa rishcamantaca allpaca shitashcami saquiringa. Chashna paicuna ricpimi, allpaca samarishpa cushicunga. Cutin paicunaca mana allita ruhuashpa, ñuca mandashcacunata, ñuca yachachishcacunata mana cazushcamantami llaquita apanga.

AMÓS 2:9

Ñucami amorreocunataca paicunapac ñaupapi tucuchircani. Paicunaca cedro yura shina jatun, encina yura shina sinchimi carca. Shuc yurata pucushcandi, sapindi tucuchic shinami, paicunataca tucuchircani.

AMÓS 5:27

Chaimantami cancunataca Damascomanta ashtahuan chimbaman apachun saquisha. Chaitaca Mandac Dios ñucami nini» ninmi. Paipac shutica tucuita Mandac Diosmi.

SOFONÍAS 2:4

Gaza llactaca shitashcami saquiringa. Ascalón llactaca llaquinayaitami tucuchishca canga. Chaupi punzhami Asdod llactapi causaccunataca llucchishpa cachanga. Ecrón llactapi causaccunataca sapimanta llucchic shinami llucchishpa cachanga.

SAN MATEO 11:7

Juanpac yachacuccuna cutiricpi, Jesús Juanmanta gentecunaman parlashpaca: «Shitashca pambapica, ¿imatatac ricungapac rircanguichic? ¿Huairahuan caiman chaiman cuyuricuc carrizollatachu ricugrircanguichic?

SAN MATEO 15:13

Chashna nicpimi Jesusca: —Jahua pacha ñuca Taita mana tarpushca yuraca, ima yura cashpapish sapindi pitishcami canga.

SAN LUCAS 7:24

Juanpac cachashcacuna rishca quipa, Jesús Juanmanta gentecunaman parlashpaca: —Shitashca pambapica, ¿imatatac ricungapac rircanguichic? ¿Huairahuan cuyucuc carrizollatachu ricungapac rircanguichic?

HECHOS 7:43

Ashtahuanpish ruhuashcalla Moloc diostami adorashpa, pai tiyanandi huandushpa purircanguichic. Renfán nishca diospac lucerocunatapish, cancunallatac ruhuashpami adorarcanguichic. Chaimantami cancunataca cai llactamanta llucchishpa, Babilonia llactata pasachishpa, ashtahuan caruman cachasha” nishcami.

DEUTERONOMIO 28:36

Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.

1 SAMUEL 12:25

Ashtahuanpish mana allita ruhuashpa catishpaca cancunapish, cancunata jatun mandacpish huañunguichicmi— nirca.