1 REYES 14:11 - Dios Rimashcata Quillcashcami

¹¹ Jeroboampac huahua huahuacunamanta pueblopi huañucpica, allcucunami micunga. Pueblomanta canzha pambapi huañucpica, jahuata volac animalcunami micunga. Chaica, Mandac Dios ñuca chashna nishcamantami chashnaca tucunga” nircami.

1 REYES 14:11 ပူးပေါင်းရင်းမြစ်များ

1 REYES 13:34

Jeroboam chashna millaita ruhuashcamantami paipac huasi ucupuracunapish millaita ruhuarcacuna. Chashna cashcamantami paipac huasi ucupuraca tucui tucurishpa, cai pachamanta chingarircacuna.

1 REYES 15:29

Pai mandai callarishpaca, Jeroboampac huasi ucupurataca shucllatapish mana saquishpami, tucui huañuchirca. Jeroboampac huahua huahuacunataca Diosta servic Ahiasman Mandac Dios huillachishca shinallatacmi chashna ruhuarca. Ahiasca Silo pueblopimi causarca.

1 REYES 16:3

Chaimantami Baasatapish, paipac familiatapish Nabatpac churi Jeroboampac familiatapish tucui chingachigrini.

1 REYES 16:4

Baasapac familiamanta maijan pueblopi huañucpica, allcucunami micunga. Tarpuna pambacunapi huañucpica, jahuata volac animalcunami micunga» nirca.

1 REYES 21:19

Paita rimashpaca: “Mandac Diosca: ‘¿Nabotta huañuchishca jahuachu allpatapish japicungui? Maipimi Nabotpac yahuarta allcucuna lambirca, chaillapitacmi cambac yahuartapish allcucuna lambinga’ ninmi” nigri» nirca.

2 REYES 9:9

Acabpac huasi ucupurataca Nabatpac churi Jeroboampac huasi ucupurata, Ahiaspac churi Baasapac huasi ucupurata shinami tucuchigrini.

ISAÍAS 40:5

Chaipimi Mandac Diosca paipac poderta ricuchinga. Chaitaca tucui gentecunami ricunga. Chaitaca Mandac Dios ñucami nini» nirca.

ISAÍAS 66:24

Ñuca ñaupamanta llucshishpa cachashca, ñucata mana cazushpa cariyaccuna huañushpa, siricuctami ricunga. Paicunata micuc curucunaca manatac huañungachu. Paicunata rupachic ninaca manatac huañungachu. Paicunaca tucui gentecunapac ñaupapimi millanayachishca canga» ninmi.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

JEREMÍAS 34:20

Paicunata piñashpa, huañuchinata munaccunapac maquipimi churagrini. Paicunapac cuerpotaca volac animalcuna, sacha animalcunami micunga.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?