1 REYES 13:16 - Dios Rimashcata Quillcashcami

¹⁶ Ashtahuanpish chai runaca: —Mana canhuan ri pudinichu, cambac huasi yaicunatapish mana pudinichu. Cai llactapica canhuanca mana micushachu, yacutapish mana ubiashachu.

1 REYES 13:16 ပူးပေါင်းရင်းမြစ်များ

1 REYES 13:15

Shina nicpica: —Jacu, ñuca huasipi imallata micungui— nirca.

NÚMEROS 22:13

Cayandi tutamanta Balaam jatarishpa, Balac cachashca pushaccunataca: —Mandac Diosca ñucataca mana cancunahuan richun munanchu. Chaimanta cancunapac llactaman cutichiclla— nirca.

NÚMEROS 22:19

Chaimanta ñucata Mandac Dios ashtahuan ima nishcata uyangapac cunan tutapish caipi pacarichic— nirca.

SAN MATEO 16:23

Chashna nicpi, Jesús Pedrota rimashpaca: —¡Satanás caimanta anchuri! Canca, Dios munashcata ñuca ama ruhuachunmi jarcasha ningui. Canca, Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

2 JUAN 1:10

Maijanpish cancunapacman shamucpi Cristo yachachishca shina mana yachachictaca, ama chasquinguichicchu. Shinallatac «alli shamushcami cangui» ninallatapish, ama ninguichicchu.