1 REYES 12:32 - Dios Rimashcata Quillcashcami

³² Chai huatapac pusac quilla chunga pichca punzhapimi Jeroboamca Judá llactapi jatun fiestata ruhuashca shinallatac fiestata ruhuarca. Shinallatac Bet-el puebloman rishpami, chai becicunaman animalta cushpa altar jahuapi huañuchirca. Chai dioscunapac ruhuashca huasicunapipish curacunatami churarca.

1 REYES 12:32 ပူးပေါင်းရင်းမြစ်များ

1 REYES 13:1

Jeroboam inciensota rupachingapac altar cuchupi shayacucpimi, Mandac Dios mandashcamanta Dios ima nishcata huillac shuc runa Judá llactamanta Bet-el puebloman chayarca.

1 REYES 13:33

Tucui caicuna chashna tucucpipish Jeroboamca pai mana allita ruhuashpa causacushcataca mana saquircachu. Ashtahuanpish lomacunapi tiyac altarcunapi curacuna cachunmi, israelcunapuramanta acllashpa churarca. Paica maijanpish chai munaita charictaca lomacunapi cac altarcunapi cura cachun churarcallami.

1 REYES 8:2

Etanim shuti canchis quillapimi tucui israelcuna jatun mandac Salomonhuan tandanacurca. Chai quillaca jatun fiestata ruhuana punzhacunami carca.

1 REYES 8:5

Shina apamucpica, jatun mandac Salomonpish, paihuan tandanacushca tucui israelcunapish, Diospac Arcata ñaupapimi ovejacunata, huagracunata Diosman cushpa huañuchirca. Chai animalcuna achca cacpimi ima shina mana yupai pudircacuna.

ÉXODO 32:5

Aarón chaita ricushpa, shuc altarta becipac ñaupapi ruhuashpaca: —¡Cayaca, Mandac Diosmanmi shuc fiestata charishun!— nishpa caparirca.

EZEQUIEL 43:8

Israelcunaca paicunapac umbralcunatapish, pilarcunatapish ñuca huasi pungu umbral ladopi churashpami, ñuca jucha illac shutita yangapi churarca. Chaitaca, chai ladollapi shuc pircallata shayachishpami ruhuarca. Chaimantami ñucaca yallita piñarishpa tucuchircani.

JUECES 17:5

Chai Micaiasca dioscuna tiyana huasitami charirca. Shinallatac efodta, huasipi charina dioscunatapish ruhuachishpami paipac churicunamanta shuc churita acllashpa cura cachun churarca.