1 REYES 12:28 - Dios Rimashcata Quillcashcami

²⁸ Chashna yuyarishcata shuccunaman parlacpi, paicuna alli nicpimi, jatun mandac Jeroboamca curimanta ishcai becicunata ruhuashpa israelcunataca: «¡Cancuna, Jerusalenman huichai rinaca mana allichu! ¡Cancunapac dioscunaca caipimi! ¡Paicunami cancunataca Egiptomanta llucchimurca!» nirca.

1 REYES 12:28 ပူးပေါင်းရင်းမြစ်များ

1 REYES 14:9

Ashtahuanpish, canca cambac ñaupa mandaccunata yallimari mana allita ruhuashcangui. Canca curita yacuyachishpa shuctac dioscunata ruhuashpami huashata ricuchishpa ñucata llaquichishpa causangui.

1 REYES 15:26

Paica Mandac Diospac ñaupapica, mana allita ruhuashpami, paipac taita ruhuashca juchacunallatatac ruhuashpa israelcunatapish juchallichishpa causarca.

1 REYES 16:19

Mandac Diospac ñaupapi mana allita ruhuashpa juchata ruhuashcamanta, shinallatac Jeroboam ruhuashca juchallatatac ruhuashpa, israelcunatapish juchapi urmachishpa causashcamantami chashnaca tucurca.

2 REYES 10:29

Tucui chashna ruhuashpapish Jehuca Nabatpac churi Jeroboam israelcunata ruhuachishca juchacunataca mana saquircachu. Chashnami Bet-el pueblopi, Dan pueblopi curimanta ruhuashca becicunata alli ninata mana saquirca.

2 REYES 17:16

Paicunata Mandac Dios mandashcacunata saquishpami, curita yacuyachishpa ishcai beci dioscunata ruhuarca. Shinallatac Asera huarmi diosman ricchacunatapish ruhuarca. Jahua pacha lucerocunatapish, Baal diostapish servircacuna.

2 REYES 17:8

Israelcunapac ñaupamanta llucchishpa cachashca gentecuna ruhuashca shinallatac, utcapi Israel llactata mandaccuna ruhuashca shinallatacmi ruhuashpa catircacuna.

2 CRÓNICAS 11:14

Levitacunaca paicunapac michina pambacunata, ima shuc charishcacunatapish saquishpami Judaman, Jerusalenman shamurcacuna. Diospacta ruhuanamanta Jeroboampish, paipac churicunapish paicunata llucchishpa cachashcamantami chashna shamurcacuna.

2 CRÓNICAS 11:15

Jeroboamca shuctac curacunatami lomacunapi tiyac altarcunata, supaicunata, pai ruhuachishca beci dioscunata ricuchun churarca.

2 CRÓNICAS 13:8

Cunanca, cancuna achca cashcamanta, cancunapac dioscuna cachun Jeroboam ruhuachishca curi becita charishpami, Davidpac huahua huahuacuna mandachun Mandac Dios cushcataca mana cazushun ninguichic.

2 CRÓNICAS 15:3

Israelcunaca unaitami causac Dios illac, yachachic curacuna illac, Dios mandashcacunapish illac causarcacuna.

2 CRÓNICAS 17:4

Paipac taitapac Diosta servishpami, mandashcacunata cazushpa causarca. Israelcuna ruhuashca shinaca mana causarcachu.

2 CRÓNICAS 21:6

Israel llactata jatun mandac Acabpac huahua huahua mandaccuna shinallatacmi mana allita ruhuarca. Acabpac ushihuan cazarashcamantami, Mandac Diospac ñaupapi mana allita ruhuashpa causarca.

2 CRÓNICAS 33:7

Ruhuashcalla diostapish Diospac huasipimi churarca. Chai huasimantami Davidtapish, paipac churi Salomontapish Mandac Diosca: «Cai huasita, shinallatac Jerusalentami tucui Israel aillupuramanta acllarcani. Cai huasipimi ñuca shutica huiñaita causachun churasha.

ÉXODO 1:10

Paicuna ama yalli mirarichunca, allita yuyarishpa imata ruhuanami canchic. Paicunaca ñucanchic macanacucucpi, ñucanchicta piñaccunahuan tucushpa, ñucanchicta atishpa, ringacunallami» nirca.

ÉXODO 20:4

Jahua pachapi, cai pachapi, yacu ucupi, allpa ucupi tiyaccunaman ricchacunatapish ama ruhuanguichu.

ÉXODO 32:25

Aarón israelcuna millaita ruhuacucpi, mana jarcashpa, paicuna munashcata ruhuachun saquishcata shinallatac paita piñaccunapac chaupipi pingaichishcatami Moisesca ricurca.

ÉXODO 32:4

Aarón chaicunata japishpa, yacuyachishpami, beci diosta ruhuarca. Shina ruhuacpimi paicunaca: —¡Caimi, israelcunata Egiptomanta llucchic diosca!— nirca.

ÉXODO 32:8

Paicunaca ñuca mandashca ñanmanta caruyashpami, shuc curi becita ruhuashpa alli nishpa, animalta cushpa rupachishpaca: “¡Caimi, israelcunata Egipto llactamanta llucchic diosca!” nishcacuna.

PROVERBIOS 14:12

Runamanca alli ñan shinami ricurin. Shina cashpapish, huañuiman pushac ñanmi.

ISAÍAS 30:1

Mandac Diosca: «¡Aij, ñuca yuyaita cushcata mana chasquishpa, ñucamanta anchuriccunalla! Paicunaca manapish ñuca Espíritu yuyaita cucpimi, paicunallatac ari nincuna. Chashnami yallita juchallishpa catincuna.

ISAÍAS 30:10

Paicunaca ima tucunata huillaccunataca: “Mana ashtahuan muscuipi shina, ricunachu canguichic” nincunami. Cutin Dios ima nishcata huillaccunataca: “Ama imapish allitaca huillaichicchu. Ashtahuanpish llullashpa, sumac shimicunata huillaichic.

EZEQUIEL 16:26

Vecino Egipto runacunahuan yallita huainayashpami ñucata piñachircangui.

EZEQUIEL 23:8

Egiptopi huainayanata callarishcataca manatac saquircachu. Paihuanca huambramanta pachami huainayarca. Paipac chuchuta japirishpami yallita munarirca.

DANIEL 3:1

Jatun mandac Nabucodonosormi curimanta shuc runaman ricchata ruhuarca. Chaica altomanca ishcai chunga canchis metro, anchomanca ishcai metro, canchis chunga centimetromi carca. Chai runaman ricchataca Babilonia llacta Dura pambapimi shayarirca.

OSEAS 10:10

Paicunataca ñuca nishca punzhami llaquichisha. Paicuna yallita millaita ruhuashcamantaca shuctac llacta gentecunami tandanacushpa llaquichingapac shamunga.

OSEAS 10:8

Lomacunapi tiyac israelcuna juchallina altarcunapish tucuringami. Chai altarcuna jahuapica cardoscuna, cashacunami huiñanga. Chaimantami urcucunataca: «¡Ñucanchicta tapaiyari!» ninga. Cutin lomacunataca: «¡Ñucanchic jahuapi urmaiyari!» nishpa caparinga.

AMÓS 5:5

Bet-elmanpish, Gilgalmanpish ama yaicunguichicchu. Beersebamanpish ama pasaichicchu. Gilgalpi causaccunataca prezu apangami. Bet-el llactaca tuñishcami canga» ninmi.

AMÓS 8:14

Samariapi tiyac dioscunapac shutipi ari nishpa: “¡Dan aillulla, cancunapac diospac shutipi ari ninchic!” niccunapish, shinallatac: “¡Beersebaman rina ñanpac shutipimi ari ninchic!” niccunapish, mana jaicapi jataringapacmi urmangacuna» nirca.

2 PEDRO 2:19

Paicunallatac mana alli causaipi huatashca shina cashpapish, shuccunata huatashca shina causaimanta cacharichishun nincunami. Maijanpish paita aticpica, chai aticpami huatashca shina tucun.

1 SAMUEL 27:1

Chai quipami Davidca paipac shungupica: «Ima punzha cashpapish Saulca huañuchingami. Chaimanta ama ashtahuan ñucata cai Israel llactapi mashcashpa puricuchunca, Filisteocunapac llactapi miticungapac risha. Shina rishpami, paipac maquimantaca quishpirisha» nishpa yuyarca.