1 REYES 12:15 - Dios Rimashcata Quillcashcami

¹⁵ Jatun mandacca israelcuna mañashcataca mana uyarcachu. Mandac Diosca Nabatpac churi Jeroboamman Silo pueblopi causacuc Ahiasta huillashca pactachunmi chashna ruhuarca.

1 REYES 12:15 ပူးပေါင်းရင်းမြစ်များ

GÉNESIS 24:50

Shina nicpi, Labanpish, Betuelpish rimashpaca: —¡Tucui caicunaca Mandac Diospac munaimantami! Chaimanta ñucanchicca aritapish, manatapish mana ni pudinchicchu.

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

1 REYES 11:11

Chaimantami Mandac Dios Salomontaca: «Canca cashna ruhuashpami, ñucahuan ari nishcatapish, pactachichun cushca shimicunatapish mana cazurcangui. Chaimantami can mandacushcata quichushpa, canta servicman cusha.

1 REYES 12:24

Mandac Diosca: “Cancunapac huauqui israelcunahuanca ama macanacungapac richicchu. Cancunapac huasicunaman cutichiclla. Caitaca ñucallatacmi chashna tucuchun munarcani” nigri» nirca. Paicunaca Mandac Dios mandashcata uyashpami, pai mandashca shinallatac cutircacuna.

1 REYES 22:23

Riqui, Mandac Diosmi tucui cambac huillaccunapac shimipi llullac espirituta churashca. Chashnami Mandac Diosllatac can llaqui tucuchunca mandashca— nirca.

2 REYES 10:10

Mandac Dios Acabpac huasi ucupurata tucuchishami nishcaca mana pambapi urmashca shina yanga canchu. Mandac Diosmi paita servic Eliasta huillachishcata pactachishca. Chaitaca yuyarinami canguichic» nirca.

2 REYES 9:36

Chaita ricushpa Jehuman huillangapac cutimucpica: —Mandac Dios tisbitapuramanta paita servic Eliasman huillashpaca: “Jezreel pambapimi Jezabeltaca allcucuna micunga.

2 CRÓNICAS 10:15

Jatun mandacca israelcuna mañashcataca mana uyarcachu. Mandac Diosca Silo pueblopi causac Ahiasta Nabatpac churi Jeroboamman huillachishca pactachunmi paillatac chashna ruhuarca.

2 CRÓNICAS 22:7

Ocozías Joramta ricungapac rishpa, huañuna cashcataca Mandac Diosllatacmi munarca. Mandac Diosmi Nimsipac churi Jehutaca Acabpac huasi ucupurata huañuchichun, aceitehuan cahuishpa acllashca carca. Ocoziasca Jorampacman chayashpami, Jehuhuan tupangapac Joramllahuantac llucshirca.

2 CRÓNICAS 25:16

Dios ima nishcata huillac shina nicpica, jatun mandacca: —Jatun mandacman alli yuyaita cuchunca, ¿pitac cantaca churarcayari? Canta ama huañuchichunca upalla cai— nirca. Shina nicpimi, cutinllatac Dios ima nishcata huillac runaca: —Alli yuyaita ñuca cushcata mana uyashpa mana allita ruhuashcamantami, Mandac Diosca canta tucuchinata yuyarirca— nirca.

2 CRÓNICAS 25:20

Ashtahuanpish Amasiasca mana uyasha nircachu. Mandac Diosca paicunata piñaccunapac maquipi churana cashcamantami chashna mana uyasha nirca. Paicunataca Edom llactapi causaccunapac dioscunata mañashcamantami chashnaca ruhuarca.

SALMOS 5:10

Ñuca Dioslla, paicunataca llaquichiyari. Paicuna imata ruhuanata yuyarishcallapitac urmachiyari. Paicunaca canta llaquichishpami yalli millaita ruhuarcacuna. Chaimanta paicunataca anchuchiyari.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

HECHOS 2:23

Dios ñaupaman yachashca shina, munashca shinami, chai Jesustaca prezushpa, chacatachun millai runacunaman curcanguichic. Chashnami huañuchircanguichic.

HECHOS 3:17

Israel huauquicunalla, cancunapish, cancunata mandaccunapish Jesús pi cashcata mana yachashcamanta huañuchishcatami yachani.

HECHOS 4:28

Chashnami can ñaupaman alli yachashpa, chashna tucuchun nishcata pactachirca.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

JUECES 14:4

Chai huatacunaca filisteocunami israelcunata macashpa causacurca. Chaimantami Mandac Diosca israelcunahuan, filisteocunahuan piñanacuchingapac chashna ruhuarca. Cai yuyaicuna Diosmanta shamushcataca taita mamaca mana yacharcachu.

1 SAMUEL 15:29

Israelcunapac sumaimana Diosca imata ruhuasha nishpaca mana llullashpami ruhuan. Paica mana gentecuna shinachu quipata llaquirin— nirca.