1 REYES 12:13 - Dios Rimashcata Quillcashcami

¹³ Shina shamucpimi, jatun mandac Roboamca cunan mandac yuyaccuna nishcata mana cazushpa sinchita rimarca.

1 REYES 12:13 ပူးပေါင်းရင်းမြစ်များ

GÉNESIS 16:6

Shina nicpi, Abramca Saraitaca: —Riqui, canta servic huarmica cambac maquillapitacmi. Can imata ruhuasha nishpaca, cambac allipac ruhuailla— nirca. Agarca Sarai sinchita llaquichicpimi, paipac ñaupamanta miticushpa rirca.

GÉNESIS 42:30

—Chai llactata mandacca ñucanchicta sinchita rimarircami. Pacalla ricushpa puriccunami canguichic nishpami juchanchirca.

GÉNESIS 42:7

Joseca paipac huauquicunata ricushcahuanmi ricsirca. Shina cashpapish, mana ricsic tucushpami: —¿Cancunaca maimantatac shamunguichic?— nishpa, sinchita rimarca. Shina rimacpimi paicunaca: —Canaán llactamantami granota randingapac shamunchic— nirca.

2 SAMUEL 19:43

Shina nicpimi, israelcunaca Judá gentecunataca: —Ñucanchicmi jatun mandacmantaca chunga cutin yallita japinata charinchic. Paipac aillupura cashcamantacarin ashtahuanmi japina canchic. Chashna cacpica ¿Ima nishpa ñucanchicta yangalla cashcata yuyanguichic? ¿Manachu ñucanchic jatun mandactaca cutichun nircanchic?— nirca. Shina nicpimi, Judá gentecunaca israelcunataca yallimana sinchita rimarca.

1 REYES 12:12

Jatun mandac Roboamca: «Quimsa punzha tucucpi, ñucapacman cutimunguichic» nishcami carca. Shina nishca shinallatacmi ña quimsa punzha tucucpica, Jeroboamca tucui gentecunandi Roboampacman shamurca.

1 REYES 12:14

Chai mosocuna yuyaita cushca shinallatacmi paica: «Ñuca taitaca llashac yugota apachishca shinami llaquichirca. Ashtahuanpish ñucaca chai yugotaca ashtahuanmi llashacyachisha. Ñuca taitaca angucunahuanmi macashpa llaquichirca. Ñucacarin alacrancunahuanmi llaquichishpa charisha» nirca.

ÉXODO 10:28

Faraonca Moisestaca: —¡Ñucapac ñaupamanta anchuri! Ima punzhami ñucapac ñaupaman cutin shamungui, chai punzhami huañungui. Chaimanta ñucapac ñaupamanca, pacta shamunguiman— nirca.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

PROVERBIOS 10:11

Cashcata ruhuac runapac rimashcaca causaita cuc yacu shinami. Ashtahuanpish Diosta mana manchaccunapac rimashcaca macanacuipimi churan.

PROVERBIOS 10:32

Cashcata ruhuacca cushicuna rimaicunatami riman. Ashtahuanpish Diosta mana manchaccunaca millaillatami riman.

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

PROVERBIOS 18:23

Huaccha runaca sumactami riman, chayuc runaca sinchitami riman.

ECLESIASTÉS 10:12

Yuyaisapa runa rimashcaca sumacmi. Ashtahuanpish mana entendic runa rimashcaca paillatatacmi llaquichin.

ECLESIASTÉS 2:19

Chai mandac alli yachac cactapish, mana cashpaca yuyai illac cactapish, ¿pitac yachan? Shina cashpapish alli yachaihuan inti achicyachicuc cai pachapi imatapish yallita ñuca ruhuashcataca japingami. Chaicunapish yangallami.

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

1 SAMUEL 20:10

Shina nicpimi, Davidca Jonatantaca: —Cambac taita piñaricpica, ¿pitac ñucamanca huillangayari?— nirca.