1 REYES 11:8 - Dios Rimashcata Quillcashcami

⁸ Chashnami, caru llactamanta cac tucui paipac huarmicunaman altarcunata shayachirca. Chaipimi chai huarmicunaca paicunapac dioscunaman inciensota cushnichishpa, animalcunata cushpa huañuchic carca.

1 REYES 11:8 ပူးပေါင်းရင်းမြစ်များ

1 REYES 11:1

Jatun mandac Salomonca Faraonpac ushihuan cazarashca jahuami shuctac llactamanta achca huarmicunata charirca. Chai huarmicunaca: Moabitacuna, amonitacuna, sidoniaspuramanta shinallatac heteopuramanta huarmicunapishmi carca.

1 REYES 11:7

Chashna cashpami, Salomonca Moab llactapi causaccunapac Quemos mana ricunayachishca yanga diosman Jerusalén chimba lado lomapi shuc altarta shayachirca. Shinallatac Amón llactapi causaccunapac Moloc millana yanga diosmanpish chashnallatacmi shayachirca.

1 REYES 11:9

Israelcunata Mandac Diosmantami Salomonpac shunguca anchurishca carca. Chaimantami Mandac Diosca paitaca piñarca. Diosca ishcai cutin paiman ricurishpami,

1 REYES 15:12

Paica allitami ruhuacunchic nishpa huaclliric caricunataca tucuitami chai llactamanta anchuchirca. Paipac ñaupa taitacuna ruhuashca yanga dioscunatapish tucuimi chingachirca.

NEHEMÍAS 13:26

Israel llactata jatun mandac Salomonca ¿Manachu chaillamantatac juchallirca? Paica shuctac llacta jatun mandaccunata atishpa ashtahuan alli mandacmi carca. Diosca cuyashpami, tucui israelcunata mandac cachun churarca. Chashna cacpipish, shuctac llacta huarmicunami paitaca juchata ruhuachirca.

JEREMÍAS 32:31

Cai llactaca callarishca punzhamanta cunan punzhacamanmi ñucata llaquichishpa, piñachishpa causacun. Chaimantami ñucapac ñaupamanta anchuchigrini.