1 REYES 11:40 - Dios Rimashcata Quillcashcami

⁴⁰ Chaita yachashpami, Salomonca Jeroboamta huañuchinata munarca. Ashtahuanpish Jeroboamca miticushpami, Egipto llactata jatun mandac Sisacpacman rirca. Jeroboamca Salomón huañungacamanmi Egiptopi causarca.

1 REYES 11:40 ပူးပေါင်းရင်းမြစ်များ

1 REYES 11:39

Chashna llaquichishcamantami Davidpac huahua huahuacunataca llaquichigrini. Shina cashpapish, mana tucui causaipi llaquichishachu” ninmi» nirca.

1 REYES 12:2

Nabatpac churi Jeroboamca Egiptopi cashparacmi caitaca yachac chayarca. Paica jatun mandac Salomonpac ñaupamanta miticushpami Egiptoman rishpa causacurca.

2 CRÓNICAS 10:2

Nabatpac churi Jeroboamca Egiptopi cashparacmi caitaca yachac chayarca. Paica jatun mandac Salomonmanta miticushpami, Egiptopi causacurca.

2 CRÓNICAS 16:10

Shina nicpimi, Asaca yallita piñarishpa, Dios ricuchishcata huillactaca carcelpi churarca. Chai huatacunapica yallitami Judá llactapi causaccunataca llaquichirca.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

LAMENTACIONES 3:37

Mandac Dios mana mandacpica, ¿pitac imata huillanga?

1 SAMUEL 20:33

Shina nicpimi, Saulca Jonatantaca huañuchisha nishpa lanzahuan shitarca. Chashna ruhuacpimi, Jonatanca paipac taita Saúl Davidta huañuchishatac nicushcata yacharca.