1 REYES 11:37 - Dios Rimashcata Quillcashcami

³⁷ Ñucallatacmi cantaca can munashca shina tucui Israel llactata mandachun churasha. Chashnami Israel llactata jatun mandac tucungui.

1 REYES 11:37 ပူးပေါင်းရင်းမြစ်များ

2 SAMUEL 3:21

Chaipimi Abnerca Davidtaca: —Cunan caimanta rishpaca, can ñucata mandac-huan israelcuna ari nichunmi tandachigrini. Chashna ruhuacpimi, cambac shungu munashca shina tucui israelcunata mandangui— nirca. David caya minchacaman nicpimi, Abnerca pipish imata mana nishca cushilla rirca.

1 REYES 11:26

Shinallatac Sereda llactapi causacuc efrateopuramanta Natanpac churi Jeroboampish jatun mandac Salomonta llaquichi callarircami. Jeroboamca Salomonta servicmi carca. Paipac mamaca Zerúa viuda huarmimi carca.

1 REYES 11:36

Salomonpac churi mandachunca shuc aillullatami cusha. Ñucata servic Davidpac huahua huahuacunataca lámpara shina mana huañuc punzhanta cachunmi Jerusalenpi mandachun saquigrini. Chai pueblotaca ñuca shutipi mañachunmi acllarcani.

1 REYES 11:38

Canpish ñucata servic David shinallatac ñuca tucui nishcacunata uyashpa, ñuca mandashcacunata cazushpa, ñuca ñaupapi allita ruhuashpa causacpica, ñucaca canhuanmi casha. Israel llactata mandanataca Davidpac huahua huahuacunaman cushca shinallatacmi can mandachun cusha. Cambac huahua huahuacuna huasha huasha mandanamantaca manatac anchuchishachu.

1 REYES 12:20

Chai quipami Jeroboam Egiptomanta cutimushcata tucui israelcuna yachac chayashpaca, paicuna tandanacushcaman cayachishpa, tucui israelcunata jatun mandac cachun churarca. Davidpac huahua huahuapura mandacuc-huanca Judá aillullami saquirirca. Caishuc Israel aillucunaca tucuimi chicanyarcacuna.

1 REYES 14:7

Jeroboampacman cutishpa, israelcunata Mandac Diosca: “Ñucami cantaca israelcunapac chaupimanta acllashca israelcunata mandachun churarcani.

DEUTERONOMIO 14:26

Chai cullquihuanca shungu munashcata randinguichicllami. Chaica: Vacata, ovejata, vinota, timbushca vinota, ima munashcatami randi pudinguichic. Chaita randishpami Mandac Diospac ñaupapi cancunapac familiacunahuan micushpa cushicunguichic.