1 REYES 11:36 - Dios Rimashcata Quillcashcami

³⁶ Salomonpac churi mandachunca shuc aillullatami cusha. Ñucata servic Davidpac huahua huahuacunataca lámpara shina mana huañuc punzhanta cachunmi Jerusalenpi mandachun saquigrini. Chai pueblotaca ñuca shutipi mañachunmi acllarcani.

1 REYES 11:36 ပူးပေါင်းရင်းမြစ်များ

2 SAMUEL 21:17

Ashtahuanpish Sarviapac churi Abisaimi Davidta misashpa, chai runata chugrichishpa huañuchirca. Chaimantami Davidpac runacunaca paitaca: «Cunanmanta pacha ñucanchic-huan macanacungapacca ña mana llucshinguichu. Canta huañuchishpaca, israelcunapac mecha shinami huañushca canga» nirca.

2 SAMUEL 22:29

Mandac Dioslla, ñucata achicyachic luzmi cangui. Ñuca Diosmi ñuca pura tutatapish achicyachin.

2 SAMUEL 7:16

Cambac huasi ucupurapish, can mandanapish jaicapi mana tucuringachu. Shinallatac can mandashpa tiyanaca huiñaitami caticungalla’ ninmi” ningui» nirca.

2 SAMUEL 7:29

Cunanca, canta servic ñuca huasi ucupuracunaca cambac ñaupapi huiñaita causachun bendiciaiyari. Can Mandac Diosllatacmi shina nishcangui. Shina cashcamanta can bendiciacpica, ñuca huasi ucupurapish huiñaitami bendiciashca canga» nirca.

1 REYES 11:13

Chashna ruhuashpapish mandanataca mana tucui quichushachu. Ñucata servic Davidtapish, ñuca acllashca Jerusalentapish cuyashcamantami shuc aillullata cambac churi mandachun cusha» nirca.

1 REYES 11:32

Paica shuc aillullatami mandanga. Ñucata servic Davidtapish, Jerusalentapish, llaquishcamantami chaita mandachun saquisha. Chai pueblotaca tucui Israel aillupuramantami acllarcani.

1 REYES 11:37

Ñucallatacmi cantaca can munashca shina tucui Israel llactata mandachun churasha. Chashnami Israel llactata jatun mandac tucungui.

1 REYES 12:17

Ashtahuanpish Roboamca Judá llacta pueblocunapi causacuc israelcunallatacmi mandacurca.

1 REYES 14:21

Judá llactataca Salomonpac churi Roboammi mandarca. Roboamca chuscu chunga shuc huatata charishpami mandai callarirca. Paica chunga canchis huatatami Jerusalenpi mandarca. Chai pueblotaca Mandac Diosmi tucui aillupuramantaca paipac shutita chaipi churangapac acllarca. Roboampac mamaca amonitapuramanta Naamami carca.

1 REYES 15:4

Shina cacpipish, paita Mandac Diosca Davidta cuyashpami, lamparapi nina rupacuc shinata paipac huahua huahuacunamanta shuc huahuata Jerusalenpi churarca. Chashnami Jerusalentaca sinchiyachishpa catirca.

1 REYES 2:4

Mandac Dios ñucataca: “Cambac huahuacuna ñuca ñaupapi purishpa, ñuca ñanmanta mana anchurishpa tucui shunguhuan, tucui almahuan alli cazucpica, cambac huahua huahuacunamantaca israelcunata mandaccunaca jaicapi mana illangachu” nircami.

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

1 REYES 9:3

Chaipimi Mandac Diosca: «Ñuca ñaupapi can yallita mañactaca uyanimi. Huiñaicaman ñuca shuti chaipi causachun, can shayachishca huasitapish, ñucapaclla cachun chasquinimi. Cai huasitaca punzhantami ricucushalla. Ñuca shungupipish yuyaricushallami.

2 REYES 8:19

Shina cacpipish, Mandac Diosca paita servic Davidta cuyashcamantami Judá llactata mana tucuchinata munarca. Mandac Diosca Davidmanpish, paipac huahua huahuacunamanpish huiñaitami lámpara japiricucta cusha nishca carca.

2 CRÓNICAS 12:13

Roboamca ashtahuan sinchiyashpami Jerusalenpi mandashpa catirca. Paica chuscu chunga shuc huatata charishpami, mandai callarirca. Chunga canchis huatatami Jerusalenpi mandarca. Mandac Diosca tucui Israel aillupuramantaca chai pueblotami paipac shuti chaipi causachun acllarca. Roboampac mamaca amonitapuramanta Naamami carca.

2 CRÓNICAS 21:7

Ashtahuanpish Mandac Diosca Davidhuan ari nishcamantami Davidpac huahua huahua mandaccunataca mana chingachinata munarca. Paica Davidtapish, paipac huahua huahuacunatapish rimashpaca, lámpara rupacuc shina cambac huahua huahuacuna mandachunmi mandanataca huiñaita cancunaman cusha nishcami carca.

SALMOS 132:17

Chaipimi David mandanataca cutinllatac callarichisha. Aceitehuan cahuishca ñuca jatun mandactami lamparahuan achicyachic shina achicyachisha.

HEBREOS 12:22

Ashtahuanpish cancunaca Sión urcuman, causac Diospac jahua pacha Jerusalén puebloman, huaranga angelcuna tandanacushpa, Diosta alli nicucman,

APOCALIPSIS 21:10

Diospac Espíritu ñucata japicpimi chai angelca shuc jatun urcu jahuaman pushashpa, jahua pacha Diospac ñaupamanta Diospaclla cac Jerusalén pueblo urai shamucucta ricuchirca.