1 REYES 11:33 - Dios Rimashcata Quillcashcami

³³ Ñucata saquishpami, Sidón llactapi causaccunapac Astoret huarmi diosta, Moab llactapi causaccunapac Quemos diosta, Amón llactapi causaccunapac Moloc diosta alli nishpa causancuna. Ñucapac ñaupapi allita ruhuashpa, ñuca yachachishcacunata catishpa, causanata mana munashpami chashna causancuna. Salomonca pactachichun ñuca nishca shimicunata, imata ruhuachun ñuca mandashcacunataca paipac taita David cazushca shinaca mana cazunchu.

1 REYES 11:33 ပူးပေါင်းရင်းမြစ်များ

1 REYES 11:9

Israelcunata Mandac Diosmantami Salomonpac shunguca anchurishca carca. Chaimantami Mandac Diosca paitaca piñarca. Diosca ishcai cutin paiman ricurishpami,

OSEAS 4:17

Efraín ailluca yanga dioscunatami mañai callarishca. ¡Paitaca saquilla!

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

2 CRÓNICAS 15:2

Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

1 REYES 3:14

Shinallatac ñucata mana saquishpa, ñuca quillcashca shimicunata ñuca mandashcacunata cambac taita David shina cazushpa causacpica, cambac causana punzhacunatapish yallichishami— nirca.

NÚMEROS 21:29

¡Aij, Moab llactalla! Quemos diosta adoraccunaca tucurishcami. Paipac churicunaca miticushpami callparca. Paipac ushicunataca amorreocunata jatun mandac Sehonmi prezurca.

1 SAMUEL 7:3

Chaimantami Samuelca israelcunataca: —Mandac Diosman tucui shunguhuan cutirishpaca ruhuashcalla shuctac dioscunata, Astarot huarmi diostapish cancunamanta anchuchinguichic. Chai quipaca shungumanta allichirishpa Mandac Diosllatac servishpa causanguichic. Chashna causacpimi, filisteocunapac maquimantaca cacharichinga— nirca.

1 REYES 11:34

Shina cacpipish, pai mandanataca mana tucuichu paipac maquimantaca quichusha. Ashtahuanpish ñuca acllashca ñucata servic Davidta cuyashcamantami, Salomontaca tucui paipac causaipi mandachun saquigrini. Davidca ñuca mandashcacunata pactachichun ñuca nishca shimicunata cazushpami causarca.

1 REYES 14:8

Davidpac huasi ucupuramanta mandanata quichushpami, canman curcani. Canca ñucata servic David shinaca mana canguichu. Davidca ñuca mandashcacunata pactachishpami, tucui shunguhuan ñucata cazushpa, ñuca ñaupapi allita ruhuashpa causarca.

JEREMÍAS 48:7

Moab llactalla, can ima ruhuashcacunapi, ima charishcacunapi shunguta churashcamantaca prezu apashcami cangui. Quemos diospish paipac curacunandi, paipac mandaccunandimi prezu apashca canga.

JEREMÍAS 48:13

Shina ruhuacpimi, Moab llactaca Bet-el diospi shunguta churashcamanta israelcuna pingai tucushca shina, Quemos diospi shunguta churaccunaca pingaihuan canga.

SOFONÍAS 1:5

Huasi jahuacunapi cungurishpa, lucerocunata mañaccunatapish, ñucata adorashpa ñuca shutipi, Milcom diospac shutipi, ari niccunatapish tucuchishami.

1 REYES 11:4

Salomón ña yuyac cacpimi, chai huarmicunaca shuctac dioscunata catichun paipac shunguta pandachirca. Paipac taita David tucui shunguhuan paita Mandac Diosta cazushca shinaca mana cazurcachu.

2 REYES 1:3

Chaimantami Mandac Diospac ángel tisbitapuramanta Eliastaca: «Samaria pueblota jatun mandacpac huillaccunata tupangapac huichai ri. Paicunataca: “Ecrón pueblo Baal-zebub diosman tapungapac richunca Israel llactapica, ¿manachu Dios tiyan?” ningui.

2 REYES 21:22

Paipac ñaupa taitacunapac Mandac Diosta saquishpami, Mandac Diospac ñanmanta anchurirca.

JEREMÍAS 2:11

¿Maijan llactatac paicunapac dioscuna yanga cacpipish, chai dioscunata saquishpa, shuctac dioscunata catishca? Ashtahuanpish ñuca acllashcacunaca paicunapac poderyuc Diosta saquishpami, ruhuashcalla dioscunata catirca.