1 REYES 11:22 - Dios Rimashcata Quillcashcami

²² Shina nicpimi Faraonca: —¿Imapactac risha ningui? ¿Cambac llactaman ringapacca caipica imatac illan?— nirca. Shina nicpimi paica: —Imapish mana illanchu. Shina cacpipish ñuca llactaman richun saqui ninimi— nirca.

1 REYES 11:22 ပူးပေါင်းရင်းမြစ်များ

1 REYES 11:21

Hadadca Egiptopi cashpami David huañushpa, paipac taitacunahuan tandanacugrishcata Israel soldadocunata mandac Joabpish, huañushcata yacharca. Chaimantami Hadadca Faraontaca: —Ñuca llactamanta cutingapac richun saqui— nirca.

1 REYES 11:23

Diosca Eliadapac churi Rezonmanpish, Salomonta piñana yuyaitami curca. Rezonca Soba llactata jatun mandac paipac amo Hadad-ezerpacmantami miticushpa rishca carca.

SALMOS 37:8

Yallita piñarinata cungaringui. Chai piñarina yuyaita saquingui. Mana allita ruhuanataca amatac munanguichu.

PROVERBIOS 27:8

Quiquin huasita saquishpa caruyac runaca shuc urpi cuzhata shitashpa ric shinami.

JEREMÍAS 2:31

¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?

MARCOS 14:31

Chashna nicpipish Pedroca: —Canhuan pacta huañuna cacpipish, manatac negashachu— nirca. Caishuc yachacuccunapish chashnallatacmi nirca.

SAN LUCAS 22:35

Jesús paicunata tapushpaca: —Ñuca cancunata mana cucayuhuan, mana cullquihuan, mana ushutahuan cachacpica, ¿ima faltarcachu?— nirca. Shina nicpimi yachacuccunaca: —Mana ima faltarcachu— nircacuna.