1 REYES 11:19 - Dios Rimashcata Quillcashcami

¹⁹ Hadadca Faraonpac ñaupapica allimi ricurirca. Chaimantami Hadadpac huarmi cachunca paipac huarmipac ñañata curca. Paica Tahpenés jatun mandac huarmipac ñañami carca.

1 REYES 11:19 ပူးပေါင်းရင်းမြစ်များ

GÉNESIS 39:21

Shina cacpipish, Mandac Diosca Joseta llaquishpami prezucunata mandacpac ñahuipi alli ricurichun, paihuan carca.

GÉNESIS 39:4

Chashnami Joseca Potifarpac ñahuipi alli ricurishpa servicurca. Chaimantami Potifarca paipac huasitapish, pai tucui charishcatapish Joseman ricuchun curca.

GÉNESIS 41:45

Chashna nishpaca Faraonca Josetaca Zafnat-paneatami shutichirca. Shinallatac On llactapi causac Potifera curapac ushi Asenathuanmi cazarachirca. Chaimantami Joseca tucui Egipto llactata mandac tucurca.

1 REYES 11:18

Paicunaca Madián llactamanta llucshishpaca, Parán shitashca pambamanmi chayarca. Chai pambamantami tauca runacunata apashpa, Egiptoman rirca. Egipto llactata jatun mandac Faraonpacman chayacpimi, jatun mandacca huasicunatapish, micunatapish allpacunatapish paicunaman curca.

1 REYES 11:20

Tahpenés huarmipac ñaña Hadadpac huarmica Genubat cari huahuatami huacharca. Chai huahuaca Faraonpac huasillapitacmi chuchunata saquirca. Genubat huambraca Faraonpac huasipimi Faraonpac churicunahuan causarca.

HECHOS 7:10

Diosca tucui llaquimantami Josetaca cuidarca. Shinallatac Egipto llactata jatun mandacpac ñaupapi alli cachunpish, alli yuyaitami curca. Chaimantami chai jatun mandacca paipac huasipipish, tucui Egipto llactapipish mandachun churarca.

HECHOS 7:21

Chai huahuata huañuchun shitashcatami mandac Faraonpac ushi tarishpa, quiquin huahuata shina huiñachirca.