1 REYES 10:8 - Dios Rimashcata Quillcashcami

⁸ Cambac runacunaca yallita alli nishcacunami. Cambac sumac yachaita cambac ñaupapi punzhanta uyac canta servic cai runacunaca yallita cushicushpami purincuna.

1 REYES 10:8 ပူးပေါင်းရင်းမြစ်များ

1 REYES 10:7

Ashtahuanpish ñuca caiman shamungacamanmi mana crircani. Ñuca ñahuihuantac ricushpami crini. Can chashna jatun yachac cashcatapish, yallita charic cashcatapish chaupillatacmi parlashca. Ñuca uyashcamantaca ashtahuan yallitami ricucuni.

1 REYES 12:6

Chai quipami jatun mandac Roboamca paipac taita Salomón causacucpi, servishpa causacushca cunac yuyaccunaman yuyaita cuchun mañashpaca: —¿Cai gentecuna cashna nishcamantaca ima nishpatac cutichina alli canga?— nirca.

PROVERBIOS 10:21

Cashcata ruhuac runapac shimica achcacunatami allita pushan. Ashtahuanpish mana yachaccunaca mana entendishpami huañuncuna.

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

PROVERBIOS 22:29

¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

PROVERBIOS 8:34

Ñuca yachachishcata uyangapac, ñuca huasi pungupi punzhanta shuyacuc runaca yallita cushicuchun. Paica ñuca huasi pungu pilar ladopimi shuyacun.

JEREMÍAS 40:10

Caldeocuna cancunapacman shamucpica, ñucami cancunapac randi cai Mizpa llactapi rimasha. Ashtahuanpish cancunaca, cancuna japishca llactacunallapitac shuyaichiclla. Vinotapish, aceitetapish, pucushca granotapish usyai punzhacunapi tandachishpa, huasipi huacaichichiclla» nirca.

SAN LUCAS 11:28

Chashna nicpimi Jesusca: —Maijanpish Dios rimashcata uyashpa cazuccunami, yallita cushicun— nirca.

SAN LUCAS 11:31

Caru Sabá llactata jatun mandac huarmipish, Salomón yachachishcata uyangapacmi shamurca. Cunan ñucaca Salomontapish yallimi caipica cani. Chaimantami Dios taripana punzhapica chai huarmipish cunan punzhapi causaccunataca juchanchishpa llaquichinga.