1 REYES 10:28 - Dios Rimashcata Quillcashcami

²⁸ Caballocunata, lienzo telacunataca Egiptomantami Salomonman apamuccuna carca. Jatun mandac Salomón cachashca tandanacushca runacunallatacmi caballocunapi lienzo telacunata randishpa apamuccuna carca. Paicunaca randishpa catushpa puriccunami carca.

1 REYES 10:28 ပူးပေါင်းရင်းမြစ်များ

GÉNESIS 41:42

Chai quipami, Faraonca paipac maquimanta sortejasta llucchishpa, Josepac maqui dedopi churachirca. Shinallatac sumac lino churanata churachishpami, cungapica sumac curi cadenata churachirca.

GÉNESIS 47:17

José chashna nicpica, Egipto runacunaca paicunapac caballocunatapish, ovejacunatapish, vacacunatapish, burrocunatapish Joseman curcami. Chashna cucpica, Joseca shuc huatapacmi micunata curca.

2 CRÓNICAS 9:28

Caballocunataca Egiptomanta, shinallatac shuctac jatun llactacunamantami Salomonca apamuc carca.

PROVERBIOS 7:16

Ñuca camataca Egiptomanta apamushca lino catahuanmi sumacta allichimurcani.

ISAÍAS 19:9

Lino puchcahuan trabajaccunapish, linchicunata ruhuaccunapish imata mana ruhuai pudingachu.

ISAÍAS 36:9

Egiptomanta carretacunapi, caballopi ric soldadocunapi shunguta churashpaca ñuca amopac soldadocunapuramanta yangalla soldadocunahuanpish, ¿ima shinatac sinchiyashpa macanacui pudinguiyari?

EZEQUIEL 27:7

Barcota apac pañoca Egiptopi bordashca sumac pañomi carca. Carpaca mama cucha ladopi cac Elisa llactamanta azul, yana puca telami carca.

DEUTERONOMIO 17:16

Chai jatun mandacca mana achca caballota charina yuyaita charinachu can. Caballocunata charingaraicu israelcunata Egipto llactaman mana cachanachu can. Mandac Diosca: “Chai llucshishca ñantaca jaicapi mana cutinachu canguichic” nircami.