1 REYES 10:26 - Dios Rimashcata Quillcashcami

²⁶ Salomonca macanacuna carretacunata, caballopi ric soldadocunatami tandachirca. Paica huaranga chuscu patsac carretacunata, caballocunapi ric chunga ishcai huaranga soldadocunatami charirca. Paicunatami maijancunataca macanacuna carretacunata huacaichina pueblocunapi, shuccunataca pai jatun mandacta cuidachunmi Jerusalenpi churarca.

1 REYES 10:26 ပူးပေါင်းရင်းမြစ်များ

1 REYES 4:26

Salomonca caballocuna shayana huasicunapica macanacuna carretacunata aisac chuscu huaranga caballotami charirca. Caballocunapi ric soldadocunataca chunga ishcai huarangatami charirca.

1 REYES 5:6

Chashna cashcamanta cunanca, Líbano urcupi cedro yuracunata ñucaman pitichun canta serviccunata cachai. Ñucata serviccunatapish paicunata ayudachun cachashami. Canta serviccuna mashna cullquita cui nicpipish cushallami. Ñucanchicpuramantaca maijanpish Sidón llactapi causaccuna shina, caspicunata labranataca mana yachanchu. Chaitaca canllatac allimi yachangui» nichunmi cacharca.

1 REYES 9:19

Shinallatac imalla tiyashcacunata huacaichingapac pueblocunatapish allichircami. Macanacuna carretacunata huacaichina pueblocunatapish, caballocunata charina pueblocunatapish shayachircami. Jerusalenpi, Líbano llactapi, pai mandacuc tucui llactacunapi ima ruhuana cashcataca tucuimi ruhuarca.

2 CRÓNICAS 9:25

Salomonca paipac caballocuna shayanatapish, macanacuna carretacunata churanatapish, chuscu huaranga huasitami charirca. Caballopi ric chunga ishcai huaranga soldadocunatami charirca. Paicunatami maijantaca macanacuna carretacunata huacaichina pueblocunapi, shuccunataca jatun mandacta cuidachun Jerusalenpi churarca.

ISAÍAS 2:7

Paicunapac llactaca cullqui, curi jundami. Paicuna ima sumac charinacunapish mana yupaipacmi. Paicunapac llactapica caballocunapish, carretacunapish mana yupaipac achcami.

DEUTERONOMIO 17:16

Chai jatun mandacca mana achca caballota charina yuyaita charinachu can. Caballocunata charingaraicu israelcunata Egipto llactaman mana cachanachu can. Mandac Diosca: “Chai llucshishca ñantaca jaicapi mana cutinachu canguichic” nircami.