1 REYES 10:22 - Dios Rimashcata Quillcashcami

²² Jatun mandac Salomonca Tarsis pueblomanta paipac jatun barcocunatami Hiram runapac barcocunahuan mama cuchapi charirca. Chai barcocunapica Tarsis pueblomantami curita, cullquita, marfilta, monocunata, pavo realcunata cada quimsa huatapi shuc cutin apamuc carca.

1 REYES 10:22 ပူးပေါင်းရင်းမြစ်များ

GÉNESIS 10:4

Javanpac churicunaca: Elisa, Tarsis, Quitim, Dodanimmi carca.

1 REYES 10:18

Jatun mandacca mandangapac tiyarinatapish marfilhuanmi ruhuarca. Chaitaca ashtahuan alli curihuanmi jahuata cahuirca.

1 REYES 10:21

Jatun mandac Salomón ubiana tucui vasocunapish curihuan ruhuashcami carca. Shinallatac «Líbano urcumanta caspicuna» shuti huasipi tiyac tucui platocunapish ashtahuan alli curihuan ruhuashcami carca. Cullquimantaca imatapish mana ruhuarcachu.

1 REYES 22:48

Josafatca Tarsis llacta jatun barcocuna shinatacmi Ufir llactamanta curita apamungapac jatun barcocunata ruhuarca. Shina cacpipish, chai barcocunaca mana rircachu. Ashtahuanpish Ezión-geber llactapimi paquirishpa tucurirca.

1 REYES 22:49

Shina cacpimi, Acabpac churi Ucoziasca Josafattaca: «Ñucata serviccuna cambac serviccunahuan barcopi richun» nirca. Shina nicpipich, Josafatca mana uyarcachu.

1 REYES 9:26

Jatun mandac Salomonca jatun barcocunatapish ruhuarcami. Chai barcocunataca Elot pueblo ladollapi tiyac Ezión-geber ladollapimi ruhuarca. Chai pueblocunaca Edom llacta ladollapi tiyac puca cucha patapimi.

2 CRÓNICAS 9:21

Jatun mandac Salomonpac jatun barcocunaca Hiramta serviccunahuan, Tarsis llactaman rishpami, chai barcocunapi curita, cullquita, marfilta, monocunata, pavo realcunata cada quimsa huatapi shuc cutin apamuc carca.

JOB 39:13

Pavo realmanca, ¿canchu sumac color alascunata curcangui? Avestruzmanpish, ¿Canchu sumac alascunata, plumacunata curcangui?

SALMOS 48:7

Canca inti llucshina ladomanta huairata cachashpami, Tarsis llacta barcocunata paquircangui.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

ISAÍAS 2:16

Tarsis llactamanta jatun barcocunata, sumacta pintashca barcocunatapish llaquichina punzhami chayamugrin.

ISAÍAS 23:1

Tiro llacta llaqui tucunamanta huillashpaca: Chai llactaca shuc huasillapish mana saquirishpami, barcocuna shayachinapish tucurishca nishpami Quitimmanta shamuccuna huillarca. Tarsis llacta jatun barcocunata purichiccuna huacaichicyari.

ISAÍAS 23:10

Tarsis llactapi causaccunalla, cancunapac barcocuna shayarinaca ña mana tiyanchu. Chaimanta jatun yacu Nilo patapi chagracunata ruhuagrichic.

ISAÍAS 23:6

Tarsis llactaman richic. Tucui mama cucha patapi causaccunalla huacaichicyari.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

ISAÍAS 66:19

Ñucaca paicunapica shuc señaltami churasha. Chai quipami miticushpa quishpirishcacunataca shuc llactacunaman cachasha. Chashnami Tarsis llactaman, arcocunahuan macanacuc Fut, Lidia llactacunaman, Tubal, Grecia llactaman cachasha. Shinallatac ñucata mana uyac, ñuca poderta mana ricuc llactaman, mama cucha patacunapi tiyac caru llactacunamanmi cachasha. Paicunami ñuca poderyuc cashcataca shuctac llactacunapi huillanga.

EZEQUIEL 27:12

Can tucuilayata charicpimi, Tarsispi causaccunaca cullquihuan, fierrohuan, estañohuan, plomohuan plazacunapi randingapac shamurca.

EZEQUIEL 27:15

Rodas llactamanta gentecunapish, mama cucha ladopi causaccunapish canhuanmi catushpa, randishpa causac carca. Paicunaca marfil quirucunata, ébano caspicunatami canman apamuc carca.

AMÓS 3:15

Shinallatac tamya punzhacunapi, usyai punzhacunapi causana huasicunatapish urmachishami. Marfilhuan ruhuashca huasicunapish tucuringami. Achca huasicunami llaquinayaita tucuringa. Chaitaca Mandac Dios ñucami nini» ninmi.

JONÁS 1:3

Shina nicpimi, Jonasca Mandac Diospac ñaupamanta miticushpa, Tarsisman ringapac jatarirca. Shinami Jope llactaman urai rishpa, Tarsis puebloman ric barcota japishpa, pasajeta randishpa, chai barcopi riccunahuan ringapac yaicurca. Paica Mandac Diospacmanta miticushpa ringapacmi barcopi tiyarirca.