1 REYES 10:21 - Dios Rimashcata Quillcashcami

²¹ Jatun mandac Salomón ubiana tucui vasocunapish curihuan ruhuashcami carca. Shinallatac «Líbano urcumanta caspicuna» shuti huasipi tiyac tucui platocunapish ashtahuan alli curihuan ruhuashcami carca. Cullquimantaca imatapish mana ruhuarcachu.

1 REYES 10:21 ပူးပေါင်းရင်းမြစ်များ

1 REYES 10:17

Shinallatac quimsa patsac uchilla escudocunatapish curita huactashpallatacmi ruhuarca. Chaicunapipish cada escudopimi quimsa libra minas curita churarca. Chaicunataca jatun mandacca «Líbano urcumanta caspicuna» shuti huasipimi churarca.

1 REYES 10:20

Chai sucta gradapipish, chunga ishcai leoncunatapish tucui gradapi ishcai ladoman shuc shuctami churashca carca. Chashna tiyarinataca maijan mandana huasipipish mana ruhuashcachu carca.

1 REYES 10:22

Jatun mandac Salomonca Tarsis pueblomanta paipac jatun barcocunatami Hiram runapac barcocunahuan mama cuchapi charirca. Chai barcocunapica Tarsis pueblomantami curita, cullquita, marfilta, monocunata, pavo realcunata cada quimsa huatapi shuc cutin apamuc carca.

1 REYES 7:2

Shinallatac shuctac huasitapish shayachircami. Chai huasica «Líbano urcumanta caspicuna» nishca shutimi carca. Chai huasica largomanca chuscu chunga pichca metromi carca. Anchomanca, ishcai chunga ishcai metro chaupimi carca. Altomanca chunga quimsa metro chaupimi carca. Chai huasitaca cedro caspimanta ruhuashca pilarcunahuanmi chuscu filata ruhuashpa shayachirca. Chai jahuapi churana vigacunapish cedro caspillatacmi carca.

ESTER 1:7

Jatun mandaccuna ima shina ubiac cashca shinallatacmi vinotaca chican chican curi vasocunapi mana misashpa yallita ubiachicurca.

JOB 28:1

Cullquita maimanta llucchinaca tiyanmi, curita rupachishpa yacuyachinapish tiyanmi.

ZACARÍAS 9:3

Tiropi causaccunaca muyundi pircata ruhuashpami, cullquitaca polvota shina, curitaca ñanpi siricuc turuta shina tandachirca.

DEUTERONOMIO 17:17

Chai mandacca paipac shungupi mana pandaringapacca, mana achca huarmita charinachu can. Mana shungupi achca curita, cullquita charinata munanachu can.