1 REYES 10:2 - Dios Rimashcata Quillcashcami

² Chai huarmica paita cuidac achca gentecunata pushamushpami, Jerusalenman shamurca. Paica mishquilla ashnacuc jambicunata, achca curita, alaja rumicunata camellocunapi apachishpami shamurca. Salomonpacman chayamushpaca, paipac shungupi tucui ima yuyashcatami parlarca.

1 REYES 10:2 ပူးပေါင်းရင်းမြစ်များ

GÉNESIS 18:33

Mandac Dios Abrahamhuan parlanata tucuchishpaca, rircallami. Abrahampish pai causacushcamanmi cutirca.

1 REYES 10:10

Shina nishca quipami, chai huarmica patsac ishcai chunga talento curita, alaja rumicunata jatun mandacmanca curca. Sabá llactata jatun mandac huarmi, jatun mandac Salomonman, mishquilla ashnacuc jambinata achcata cungapac apamushca shinaca jaicapi pi manarac apamurcachu.

1 REYES 10:3

Salomonca chai huarmi tapushcataca tucuimi cutichirca. Jatun mandac mana cutichinaca imapish mana tiyarcachu.

2 REYES 20:13

Ezequiasca paicuna chayacpica, yalli valiccunahuan allichishca ucutapish, cullquitapish, curitapish, mishquilla ashnacuc jambicunatapish, yalli valishca aceitetapish, macanacunata huacaichina ucutapish, ima tiyashcacunatapish tucuimi ricuchirca. Ezequiasca imata mana pacashpami, paipac huasipi, pai mandacuc llactacunapi tucui ima tiyashcata ricuchirca.

2 REYES 5:5

Shina nicpimi, Siria llactata jatun mandacca: —Shina cashpaca rilla. Ñucami Israel llactata jatun mandacman shuc quillcata cachagrini— nirca. Shina nicpimi, Naamanca chunga talento cullquita, sucta huaranga siclos curita, chunga mushuc churanata apashpa rirca.

2 REYES 5:9

Shina nicpimi, Naamanca paipac caballocunahuan, carretacunahuan shamushpa, Eliseopac huasi pungupi shayarirca.

JOB 4:2

«Maijan imata rimaricpica, mana upalla saquiringuimanchu. Ashtahuanpish ¿pitac upalla saquiringayari?

SALMOS 4:4

Paipac ñaupapi chucchuichicyari, ama ashtahuan juchallichicchu. Camapi siririshpa shungupi upalla tucushpa yuyarichicyari.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

ÉXODO 25:6

Lámpara japichina aceiteta, cahuirina aceiteta, mishquilla ashnacucta, inciensota mishquillata ruhuactapish japingui.

ISAÍAS 30:6

Neguevpi tiyac sacha animalcunata Dios llaquichinamanta huillashpaca: «Llaquihuan huacana pambata, leoncuna, millai culebracuna, alasyuc manchana culebracuna causana pambatami paicunapac charishcacunata, sumac valishcacunata burrocunapi, camellocunapi cargashpa, manapish ayudai pudic runacunaman cungapac apancuna.

EZEQUIEL 27:22

Sabá llactatapish, Raama llactapish, canhuanmi randishpa, catushpa causac carca. Paicunaca tucuimanta yalli valishca mishquilla ashnacuc-huan, tucuilaya alaja rumicunahuan, curihuanmi randic carca.

SAN LUCAS 24:15

Paicuna caishuc chaishuc parlanacushpa ricucpimi, Jesusca paicunahuan tandarishpa ri callarirca.

HECHOS 25:23

Quipa punzhami Agripapish, paipac pani Berenicepish sumac churanacunata churarishpa, soldadocunata mandaccunahuan, chai pueblopi mandaccunahuan, Festo mandana ucuman shamurca. Paicuna chayamucpimi, Festoca Pablota apamuchun cacharca.