1 REYES 10:17 - Dios Rimashcata Quillcashcami

¹⁷ Shinallatac quimsa patsac uchilla escudocunatapish curita huactashpallatacmi ruhuarca. Chaicunapipish cada escudopimi quimsa libra minas curita churarca. Chaicunataca jatun mandacca «Líbano urcumanta caspicuna» shuti huasipimi churarca.

1 REYES 10:17 ပူးပေါင်းရင်းမြစ်များ

1 REYES 14:26

Shina shamushpami, Mandac Diospac huasimanta, jatun mandacpac huasimantapish sumac allicunata llucchishpa, shinallatac Salomón ruhuashca curi escudocunatapish tucui aparca.

1 REYES 7:2

Shinallatac shuctac huasitapish shayachircami. Chai huasica «Líbano urcumanta caspicuna» nishca shutimi carca. Chai huasica largomanca chuscu chunga pichca metromi carca. Anchomanca, ishcai chunga ishcai metro chaupimi carca. Altomanca chunga quimsa metro chaupimi carca. Chai huasitaca cedro caspimanta ruhuashca pilarcunahuanmi chuscu filata ruhuashpa shayachirca. Chai jahuapi churana vigacunapish cedro caspillatacmi carca.

2 CRÓNICAS 12:9

Egipto llactata mandac Sisacca Jerusalenman huichai rishpami, Mandac Diospac huasimantapish, mandacpac huasimantapish sumac allicunata tucui aparca. Shinallatac Salomón ruhuachishca curi escudocunatapish aparcami.

ISAÍAS 22:8

Judá llactapi causaccunapac jarcarinaca illanmi. Chai punzhacunami urcu caspicunahuan shayachishca huasipi macanacunata huacaichishca tiyacucta ricurcanguichic.