1 REYES 10:11 - Dios Rimashcata Quillcashcami

¹¹ Hirampac jatun barcocunami Ofir llactamanta curita apamushca carca. Chai barcocunallatacmi Sándalo caspicunatapish, alaja rumicunatapish apamurca.

1 REYES 10:11 ပူးပေါင်းရင်းမြစ်များ

1 REYES 10:12

Chai sándalo caspicunahuanmi jatun mandac Salomonca Mandac Diospac huasipipish, jatun mandacpac huasipipish, balaustres nishcacunata ruhuarca. Cantaccunamanpish arpacunata, salteriocunatami ruhuachirca. Chashna achca sándalo caspicunataca jaicapi mana apamushcachu carcacuna. Cunancaman chashnaca mana ricurishcachu.

1 CRÓNICAS 1:23

Ofir, Havila, Jobab churicunatami charirca. Tucui paicunami Joctanpac churicuna carca.

2 CRÓNICAS 2:7

Cunanca curita, cullquita, bronceta, fierrotapish alli ruhuanata yachactapish, morado, puca, azul telacunata ruhuanata alli yachactapish, shinallatac rumita labranata yachac shuc runata Judapi, Jerusalenpi ñucahuan cac gentecunahuan trabajachun cachai. Paicunataca ñuca taitami alli yachachirca.

2 CRÓNICAS 2:8

Shinallatac Líbano urcumanta cedro caspicunata, ciprés caspicunata, sándalo caspicunata cachai. Canta serviccunaca Líbano urcupi caspicunata pitinata alli yachaccunami can. Riqui, canta serviccunata ayudachunca, ñucata serviccunatami cachagrini.

2 CRÓNICAS 8:18

Hiramca paita serviccunahuanmi paipac jatun barcocunata, mama cuchapi barcohuan rinata alli yachac runacunata Salomonpacmanca cacharca. Paicunami Salomonta serviccunahuan Ofir llactaman rishpa, chuscu patsac pichca chunga talento curita jatun mandac Salomonman apamurca.

JOB 22:24

Curitami allpata yalli charingui Ofir llactamanta curitaca, yacu huaicu rumita shinami charingui,

SALMOS 45:9

Cambac huasipi tiyaccunapurapica jatun mandaccunapac ushicunami tiyacun. Cambac alli lado maquimanca jatun mandac huarmimi Ofir llacta curi churanahuan tiyacun.