1 REYES 1:41 - Dios Rimashcata Quillcashcami

⁴¹ Adoniaspish, jatun micuiman pai cayashcacunapish ña micushca quipaca trompetapi tocashcatami uyarcacuna. Shina uyashpami Joabca: «¿Ima nishpatac pueblopica yallita caparicun?» nirca.

1 REYES 1:41 ပူးပေါင်းရင်းမြစ်များ

1 REYES 1:40

Chai quipaca tucui mashnami cantashpa, flautacunapi tocashpa, yallita cushicushpa, Salomonta catishpa, huichai rircacuna. Allpa cuyurictami yallita caparirca.

1 REYES 1:42

Pai shina nicucllapitacmi Abiatar curapac churi Jonatán chayarca. Pai chayacpimi Adoniasca: —Yaicumuilla, canca imatapish mana manchac runami cangui. Canca alli huillanatami apamucungui— nirca.

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

ÉXODO 32:17

Josué israelcuna sinchita caparinacucta uyashpaca: —¡Carpa huasipica macanacushpa caparinacuimari uyarin!— nishpami, Moisesman huillarca.

PROVERBIOS 14:13

Yalli asishcapish shunguta nanachinmi. Cushilla asishca quipaca llaquillami saquirin.

SAN MATEO 21:15

Curacunata mandac curacunapish, mandashcacunata yachachiccunapish chaipi Jesús milagrota ruhuacta ricushpa, huahuacuna: “¡Mandac Davidpac aillupuramanta Apunchic Jesús quishpichiyari!” nicta uyashpaca, yallitami piñarirca.

HECHOS 21:31

Pablota huañuchigricucpimi, Roma llactamanta huaranga soldadocunata mandacpacman maijancuna rishpaca: “¡Tucui Jerusalén pueblopi causaccunami piñarishpa caparicun!” nishpa huillarca.