1 REYES 1:38 - Dios Rimashcata Quillcashcami

³⁸ Chai quipami, Sadoc curapish Dios ima nishcata huillac Natanpish, Joiadapac churi Benaiaspish, cereteo, peleteo runacunapish, urai rishpa Salomontaca jatun mandac David tiyarina mulapi tiyachishpa, Gihón yacu junduman pusharcacuna.

1 REYES 1:38 ပူးပေါင်းရင်းမြစ်များ

2 SAMUEL 13:29

Absalonta serviccunaca pai nishca shinallatacmi Amnontaca ruhuarca. Shina ruhuacpimi, jatun mandacpac tucui churicuna jatarishpaca mulacunapi montashpa miticushpa rirca.

2 SAMUEL 15:18

Chaipimi pai churashca tucui mandaccunaca paipac muyundipi shayarirca. Chaipica cereteocunapish, peleteocunapishmi carca. Gat pueblomanta paihuan shamushca sucta patsac geteocunami jatun mandacpac ñaupata rirca.

2 SAMUEL 20:7

Shina nicpimi, Joabpac runacunapish, cereteocunapish, peleteocunapish, shinallatac tucui sinchi runacunapish Abisaihuan Bicripac churi Sebata catingapac Jerusalenmanta llucshirca.

2 SAMUEL 8:18

Joiadapac churi Benaiasca peleteocunata, Cereteocunata mandacmi carca. Davidpac churicunaca curacunami carca.

1 REYES 1:26

Shina cashpapish canta servic ñucata, Sadoc curata, Joiadapac churi Benaiasta, canta servic Salomontaca mana cayashcachu.

1 REYES 1:33

jatun mandacca: —Cunanca, cancunapac amo ñucata serviccunata tandachishpa, ñuca churi Salomontaca ñuca tiyarina mulapi tiyachishpa, Gihón yacu junduman pushaichic.

1 REYES 1:8

Shina cacpipish, Sadoc curapish, Joiadapac churi Benaiaspish, Dios ima nishcata huillac Natán, Simei, Rei shuti mandaccuna shinallatac Davidhuan cac tucui jatun mandaccunapish Adoniastaca mana catircacunachu.

1 REYES 2:15

Shina nicpi, Adoniasca: —Canllatac yachanguimi. Llactata mandanaca ñucapacmi carca. Shinallatac tucui israelcunami paicunata mandac cachun, ñucata shuyarca. Shina cacpipish, llactata mandanataca Dios ñuca huauquiman cucpimi paipac saquirirca.

1 REYES 2:35

Chai quipami jatun mandac Salomonca Joabpac randi soldadocunata mandachunca Joyadapac churi Benaiasta churarca. Shinallatac Abiatar curapac randica, Sadoc curatami cura cachun churarca.

1 CRÓNICAS 18:17

Joiadapac churi Benaiasca peleteocunata, cereteocunata mandacmi carca. Jatun mandac Davidpac churicunaca paipac ladopimi imatapish ayudac carca.

SOFONÍAS 2:5

¡Aij, mama cucha patapi causac cereteocunalla, filisteocuna causana Canaán llactalla! Mandac Dios cancunahuan piñarishpaca: “Shucllatapish mana saquishpami tucuchisha” ninmi.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

1 SAMUEL 30:14

Ñucanchicca Neguev pambapi causacuc cereteocunatapish, Judá llactapi causaccunatapish, Neguev pambapi causacuc Calebpac huahua huahuacunatapish llaquichircanchicmi. Shinallatac Siclag pueblotaca ninata churashpami rupachircanchic— nirca.