1 REYES 1:37 - Dios Rimashcata Quillcashcami

³⁷ Mandac Diosca ima shinami ñuca amo jatun mandac-huan carca, chashnallatac Salomonhuanpish cachun. Pai mandanataca ñuca amo can jatun mandac David mandacushcatapish ashtahuan jatunta ruhuashca cachun— nirca.

1 REYES 1:37 ပူးပေါင်းရင်းမြစ်များ

2 SAMUEL 24:3

Ashtahuanpish Joabca jatun mandactaca: —¡Canta Mandac Dios cai gentecunamantaca patsac cutin ashtahuan mirachichun! ¡Chaita ñuca amo jatun mandac ricuchun! Shina cashpapish ñuca amo jatun mandaclla, ¿imamantatac caita ruhuasha ningui?— nirca.

1 REYES 1:36

Shina nicpimi, Joiadapac churi Benaiasca jatun mandactaca: —Chashna cachun. Ñuca amo jatun mandacpac Mandac Diosca chashna ruhuachun.

1 REYES 1:47

Chashnallatac jatun mandacta serviccunapish, ñucanchic amo jatun mandac Davidta bendiciangapac rishpaca: “Diosca Salomonpac shutitaca cambac shutitapish yalli ashtahuan alli ricsichun, shinallatac Salomón mandanaca can mandacushcata yalli jatun cachun” nircacuna. Chaimantami jatun mandac Davidca paipac camallapitac Diosta alli nirca.

2 REYES 2:9

Ña pasashpaca, Eliasca Eliseotaca: —Cambac ladomanta ñucata manarac apacpi, canman imata ruhuachun ñucata mañailla— nirca. Shina nicpimi Eliseoca: —Cambac espirituta chaupihuan cuchun ninimi— nirca.

1 CRÓNICAS 28:20

Shinallatac paipac churi Salomontaca: «Sinchi, sinchi tucushpa, cushicushpa ruhuai callarilla. Ñucata Mandac Diosca canhuanmi. Chaimanta ama manchaichu, ama shaicuichu. Mandac Diosca paipac huasita tucuita alli ruhuashpa, tucuchingacaman cantaca manatac saquingachu, mana cungaringachu.

1 CRÓNICAS 29:25

Mandac Diosca tucui israelcunapac ñaupapimi Salomontaca yallita jatunyachirca. Ñaupa Israel llactata jatun mandaccunamanta ashtahuan sumac mandac cachunmi Salomonta churarca.

2 CRÓNICAS 1:1

Davidpac churi Salomonca paita Mandac Dios paihuan cacpimi, pai mandanapica yallita jatunyarca. Shinallatac pai mandanatapish pi mana cuyuchipac sinchitami ruhuarca.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 46:7

Tucuita Mandac Diosca ñucanchic-huanmi. Jocobopac Diosca ñucanchic jarcarinami.

SALMOS 72:8

Paica shuc lado mama cuchamantaca caishuc ladocaman, jatun yacumantaca cai pacha tucuricamanmi mandanga.

SALMOS 89:27

Ñucapish paitaca punta churi cachunmi churasha. Shinallatac cai pacha jatun mandaccunapac jahuapimi churasha.

ÉXODO 3:12

Shina nicpimi, Mandac Diosca: —Ñucami canhuan casha. Ñuca canta cachashcata ricuchingapacca, shuc ricuchinatami ricuchigrini. Egiptomanta ñuca acllashcacunata llucchimushca quipaca, tucui cancunami cai urcupi ñucata servinguichic— nirca.

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.

DANIEL 7:14

Paimanmi llactata mandanatapish, podertapish curca. Tucui llactapi causaccunapish, llactapi causaccunapish chican chican rimaita rimaccunami paita servicurca. Paipac mandanaca jaicapi mana tucuric, huiñaita mandana cashcata, mana taripac mandana cashcatami ricurcani.

SAN MATEO 1:23

Chai huillaccunaca: «Manarac carihuan chayarinacushca shuc solterami, huicsayuc tucushpa, shuc cari huahuata charinga. Chai huahuaca Emanuel shutimi canga» nishcami. (Emanuel nishpaca: «Dios ñucanchic-huan» nisha ninmi).

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

JOSUÉ 1:17

Moisés mandashcata ima shinami cazurcanchic, shinallatacmi cantapish cazushun. Mandac Dios ima shinami Moises-huan carca, chashnallatacmi canhuanpish cachun munanchic.

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

1 SAMUEL 20:13

Ashtahuanpish ñuca taita canta llaquichisha nicushcata yachashca jahua mana huillacpica, Mandac Diosllatac sinchita, ñucata llaquichichun. Mandac Diosca ñuca taitata pushashca shinallatac cantapish alli pushachun.