1 REYES 1:35 - Dios Rimashcata Quillcashcami

³⁵ Chai quipaca, paita cuidashpa paipac huashata shamunguichic. Pai shamushpami, ñuca mandashpa tiyarinapi tiyarishpa, ñucapac randi mandanga. Paitami Israel llactata shinallatac Judá llactata mandac cachun acllarcani— nirca.

1 REYES 1:35 ပူးပေါင်းရင်းမြစ်များ

1 REYES 1:13

Jatun mandac Davidpacman rishpa: “Ñuca amo jatun mandaclla, ¿manachu canta servic ñucataca: ‘Ñucapac quipataca cambac huahua Salomonmi jatun mandac tucunga? Paimi ñuca mandashpa tiyarinapica tiyaringa’ nircangui. Shina cashpaca, ¿ima nishpatac Adonías mandacunyari?” ningui.

1 REYES 1:17

Shina tapucpimi Betsabeca: —Ñucata mandaclla, canta Mandac Diospac shutipica: “Cambac huahua Salomonmi ñuca huañushca quipaca mandanga. Paimi ñuca mandashpa tiyarinapica tiyaringa” nircanguimi.

1 REYES 1:34

Chaipimi Sadoc curapish, Dios ima nishcata huillac Natanpish Salomontaca israelcunata jatun mandac cachun aceitehuan cahuinga. Chai quipaca trompetapi tocachishpaca: “¡Jatun mandac Salomón causachun!” nishpa caparinguichic.

1 REYES 1:36

Shina nicpimi, Joiadapac churi Benaiasca jatun mandactaca: —Chashna cachun. Ñuca amo jatun mandacpac Mandac Diosca chashna ruhuachun.

1 REYES 2:12

Salomonmi paipac taita David mandashpa tiyarinapica tiyarirca. Pai mandanaca ashtahuanmi sinchiyashca carca.

1 REYES 2:15

Shina nicpi, Adoniasca: —Canllatac yachanguimi. Llactata mandanaca ñucapacmi carca. Shinallatac tucui israelcunami paicunata mandac cachun, ñucata shuyarca. Shina cacpipish, llactata mandanataca Dios ñuca huauquiman cucpimi paipac saquirirca.

1 CRÓNICAS 23:1

Davidca achca huatayuc ña yuyac cashpami, paipac churi Salomonta israelcunata mandac cachun churarca.

1 CRÓNICAS 29:23

Chashnami Salomonca paipac taita Davidpac randi Mandac Diospac mandashpa tiyarinapi tiyarirca. Paica tucuipimi alli llucshirca, israelcunapish tucuimi cazurcacuna.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.