1 REYES 1:21 - Dios Rimashcata Quillcashcami

²¹ Can mana chashna ruhuacpica, ñuca amo can jatun mandac huañushpa cambac ñaupa taitacunahuan tandanacugrishca quipaca ñucapish, ñuca huahua Salomonpish juchanchishcami cashun— nirca.

1 REYES 1:21 ပူးပေါင်းရင်းမြစ်များ

GÉNESIS 15:15

Shina cacpipish, canca sumacta causashpami cushilla yuyacyashpa huañungui. Chashna huañucpimi, cantaca enterranga. Chashnami cambac ñaupa taitacunahuan tandarigringui.

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

1 REYES 1:12

Riqui, cunanca cantapish, cambac cari huahua Salomontapish ama huañuchichunca, ñuca yuyaita cushcata uyai.

1 REYES 1:20

Ñuca amo, jatun mandaclla tucui israelcunamari can jatun mandacpac randi, jatun mandac cachunca canllatac acllashpa saquichun shuyacuncuna.

1 REYES 1:22

Betsabé jatun mandac-huan chashna parlacucpimi, Dios ima nishcata huillac Natanca chayarca.

1 REYES 2:10

David huañushpa, paipac taitacunahuan tandanacucpica, paipac pueblollapitacmi enterrarca.

1 REYES 2:15

Shina nicpi, Adoniasca: —Canllatac yachanguimi. Llactata mandanaca ñucapacmi carca. Shinallatac tucui israelcunami paicunata mandac cachun, ñucata shuyarca. Shina cacpipish, llactata mandanataca Dios ñuca huauquiman cucpimi paipac saquirirca.

2 CRÓNICAS 22:10

Ocoziaspac mama Ataliaca paipac huahua huañushcata yachashpami, Judá aillupuramanta jatun mandacpac huahua huahuacunata tucui huañuchirca.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

JUECES 9:5

Chai gentecunahuan paipac taita Jerobaal causana Ofra puebloman rishpami, paipac canchis chunga huauquicunata shuc rumi jahuapi tucui huañuchirca. Chaicunamantaca paicunapac tucuipac quipa huauqui Gerobaalpac churi Jotamllami miticushpa atirca.