1 REYES 1:12 - Dios Rimashcata Quillcashcami

¹² Riqui, cunanca cantapish, cambac cari huahua Salomontapish ama huañuchichunca, ñuca yuyaita cushcata uyai.

1 REYES 1:12 ပူးပေါင်းရင်းမြစ်များ

GÉNESIS 19:17

Chashna llucchishpaca: —Cancuna quishpirisha nishpaca, ama huashata chapanguichicchu. Shinallatac chai pambacunapipish ama shayaringuichicchu, ashtahuanpish urcupi miticugrichic, mana cashpaca huañunguichicmi— nirca.

1 REYES 1:13

Jatun mandac Davidpacman rishpa: “Ñuca amo jatun mandaclla, ¿manachu canta servic ñucataca: ‘Ñucapac quipataca cambac huahua Salomonmi jatun mandac tucunga? Paimi ñuca mandashpa tiyarinapica tiyaringa’ nircangui. Shina cashpaca, ¿ima nishpatac Adonías mandacunyari?” ningui.

1 REYES 1:21

Can mana chashna ruhuacpica, ñuca amo can jatun mandac huañushpa cambac ñaupa taitacunahuan tandanacugrishca quipaca ñucapish, ñuca huahua Salomonpish juchanchishcami cashun— nirca.

2 REYES 11:1

Ocoziaspac mama Atalía paipac huahua huañushcata yachashpami, jatun mandacpac tucui huahua huahuacunata huañuchirca.

2 CRÓNICAS 21:4

Joramca paipac taitapac randi mandangapacmi mandanapi tiyarirca. Ña mandangapac tiyarishpa ashtahuan sinchi tucushpami, paipac huauquicunataca espadahuan, shinallatac israelcunata maijan mandaccunatapish huañuchirca.

2 CRÓNICAS 22:10

Ocoziaspac mama Ataliaca paipac huahua huañushcata yachashpami, Judá aillupuramanta jatun mandacpac huahua huahuacunata tucui huañuchirca.

PROVERBIOS 11:14

Shuc mandac pueblota mana allita mandacpica, llaqui tucushpa urmangami. Ashtahuanpish cunaccuna achca tiyacpica, mana llaqui tucungachu.

PROVERBIOS 15:22

Mana tapunacushpa imata ruhuashcaca, chingarinmi. Ashtahuanpish taucacuna yuyaita cushcaca allimi ruhuarin.

PROVERBIOS 20:18

Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

PROVERBIOS 27:9

Aceitepish, mishquilla ashnacucpish shungutami cushichin. Shuc ricsishca cunashcaca caishuc runapac shungutami cushichin.

JEREMÍAS 38:15

Shina nicpimi, Jeremiasca Sedequiastaca: —Can tapushcata tucui huillacpica, ñucata huañuchinguimi. Alli yuyaita cucpipish, mana uyanguichu— nirca.

SAN MATEO 21:38

Ashtahuanpish churi shamucucta chai chagrahuan saquiric runacuna ricushpaca “Paimi taita charishcataca japinga. Paipac randi ñucanchic japingapac huañuchishunchic” ninacurcami.

HECHOS 27:31

Chaimanta Pabloca pasac soldadocunata mandactapish, caishuc soldadocunatapish rimashpaca: —Barcota purichiccuna shitashpa ricpica, cancunaca huañunguichicmi— nirca.

JUECES 9:5

Chai gentecunahuan paipac taita Jerobaal causana Ofra puebloman rishpami, paipac canchis chunga huauquicunata shuc rumi jahuapi tucui huañuchirca. Chaicunamantaca paicunapac tucuipac quipa huauqui Gerobaalpac churi Jotamllami miticushpa atirca.