1 PEDRO 5:8 - Dios Rimashcata Quillcashcami

⁸ Cancunata mana ricunayachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

Nuevo Testamento en Quichua Cañar 1996

⁸ Cancunata mana ricunachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

1 PEDRO 5:8 ပူးပေါင်းရင်းမြစ်များ

ESTER 7:6

Shina tapucpi Esterca: —Chai ñucanchicta mana ricunayachishpa piñac runaca cai millai Amanmi— nirca. Shina nicpimi, Amanca jatun mandacpac, jatun mandac huarmipac ñaupapi yallita mancharishpa upayashpa saquirirca.

JOB 2:2

Chaipimi Mandac Diosca Satanastaca: —¿Maimantatac shamungui?— nirca. Shina nicpi, Satanasca Mandac Diostaca: —Cai pachata ricushpa, muyushpami shamuni— nirca.

SALMOS 104:21

Leoncunaca micunata mana tarishpami huacancuna. Chashnami Diosta mañancuna.

SALMOS 109:6

Paicunata llaquichichunca canta mana manchac runata churaiyari. Paipac alli ladopica Satanás shayacuchun.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

PROVERBIOS 20:2

Jatun mandac yallita piñarishpaca león huacac shinami manchachin. Pipish paita piñachishpaca paillatacmi huañunga.

PROVERBIOS 28:15

Huaccha gentecunata Diosta mana manchac mandacca león huacacuc shina, yarcaihuan cac oso shinami can.

ISAÍAS 50:8

Ñucata cuidacca ñuca ladopimi. Chaimanta, ¿pitac ñucahuan shayaringa? ¡Tandanacuichic! ¿Pitac ñucata juchanchicca? ¡Ñucapacman cuchuyamuichiclla!

JEREMÍAS 2:15

Paicunata llaquichingapacca leoncunami huacashpa shamurca. Llactataca chushac pambatami saquirca. Llactacunata rupachishpami shuc runallatapish mana saquirca.

JEREMÍAS 51:38

Leoncuna shinami tucui mashna caparinga. Huahua leoncuna shinami huacanga.

EZEQUIEL 19:7

Pueblo muyundi pircacunatapish urmachishpa, shitashca pambatami saquirca. Yallita caparishpami llactata cuyuchishpa llaquinayaita shitashca pambata saquirirca. Imapish ña mana tiyarcachu.

EZEQUIEL 22:25

Cancunapurapica león huacashpa, animalta japic shina, gentecunata huañuchishpa, ima charishcacunatapish, ima alajacunatapish quichuc mandaccunami tiyan. Chashna achcata huañuchicpimi, achca viudacunata saquirca.

DANIEL 6:24

Chai quipaca jatun mandacca Danielta juchanchic mandaccunata apamuchunmi mandarca. Chashna apamucpimi, paicunataca huarmindi, huahuacunandi leoncuna causana jutcupi shitarca. Paicuna manarac chai jutcu pambaman chayacpimi, japishpa tullucunata polvoshpa micurca.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

OSEAS 13:8

Huahuacunata chingachishpa puricuc mama oso shinami, tupangapac llucchishpa shunguta polvosha. León sacha animalcuna micuc shinami, ñutuchishpa tucuchisha.

JOEL 3:16

Mandac Diosca Sión urcumantami león huacac shina caparinga. Pai rimashcaca Jerusalenmantami uyaringa. Jahua pachapish, cai pachapish chucchungami. Shina cacpipish, Mandac Diosca pai acllashca israelcunata cuidangami. Paica miticuna sinchi torre shinapishmi canga.

AMÓS 1:2

Amosca: «¡Sión urcumanta, Jerusalenmantami Mandac Diosca león huacac shina caparishpa uyaringa! Michinapish mana tiyangachu. Carmelo urcupish chaquingami» nirca.

AMÓS 3:4

Leonca, ¿sachapi manarac animalta japishpaca huacangachu? Huahua leonca, ¿jutcupi mana aicha tiyacpica huacangachu?

AMÓS 3:8

León huacacpica, ¿pitac mana mancharinga? Mandac Dios rimacpica, ¿pitac mana huillanga?

ZACARÍAS 11:3

Sumac pambacuna tucurishcamanta, michiccuna caparishpa huacashcami uyarin. Huahua leoncunapish, Jordán yacu ladopi tiyac sachacuna tucurishcamanta huahua leoncuna sinchita huacashcami uyarin.

ZACARÍAS 3:1

Chai quipaca Josué Mandac Diospac angelpac ñaupapi shayacuctami ricurcani. Josuepac alli ladopica Satanasmi paita juchanchingapac shayacurca.

SAN MATEO 13:39

Trigo chagrapi mana alli quihuata jichac shinaca, diablomi. Cosechana nishpaca, cai pacha tucurinatami nisha nin. Trigota cosechaccunaca angelcunami.

SAN MATEO 24:42

Mandac ima horas chayamunata mana yachashcamanta, alli yuyaihuan chaparacuichic.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.

SAN MATEO 4:1

Chai quipaca, Diospac Espiritumi Jesustaca diablo shitashca pambaman pusharca. Chaipimi diabloca pandachisha nirca.

SAN MATEO 4:11

Shina nicpimi, diabloca saquishpa rircalla. Chai quipami angelcunaca Jesusta servingapac shamurca.

MARCOS 4:15

Ñanpi urmashca muyu shinaca, alli huillaita uyaccunami. Shina uyacpipish, Satanás shamushpami shungumanta anchuchircalla.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

SAN LUCAS 21:36

Chaimanta cancunaca allichirishca, ña rinalla shinami cana canguichic. Chai tucui llaquimanta quishpiringapacca, Runa Tucungapac shamushca ñucapac ñaupapi alli ricuringapac Diosta mañaracuichic» nirca.

SAN LUCAS 22:31

Shinallatac Jesusca: —Simón, Simón, Satanasca trigota shushuc shina ruhuangapacmi, Cancunataca mañashca.

SAN JUAN 8:44

Cancunaca diablopac huahuacunami canguichic. Chaimantami pai munashcata ruhuanguichic. Diabloca callarimanta pachami huañuchic, llullac cashca. Paica jaicapi mana cashcata ninchu. Paica llullapac taitami. Pai llullashpaca, pai ima shina cashca shinallatacmi ricuchin.

2 CORINTIOS 2:11

Chai shina ruhuacpimi, Satanasca ñucanchictaca mana pandachinga. Pai ima shinapish pandachisha nicushcataca allimi yachanchic.

EFESIOS 4:27

Diablo ashtahuan pandachishpa catichunca ama saquichicchu.

EFESIOS 6:11

Diablo ima millai yuyaicunata cushpa ama pandachichunca, millaita mishangapac Dios cushcacunataca, churaric shina churarichic.

1 TIMOTEO 2:15

Shina cashpapish huahuacunata charic huarmica alli cric cashpa, cuyashpa, alli yuyaihuan, Diospaclla causashpaca quishpiringami.

1 TIMOTEO 2:9

Shinallatac huarmicuna churarishpapish, churana cashca shina churarichun. Umata huatallishpapish ama yallita allichirishpa curimanta, perlasmanta ruhuashcacunahuan shinallatac yalli valic churanacunahuanpish ama allichirichunmi munani.

1 TIMOTEO 3:11

Shinallatac huarmicunapish tucuipac alli nishca, mana huashalla parlac, alli yuyaita charic, imapipish allita ruhuaccunami cana can.

1 TIMOTEO 3:2

Ashtahuanpish tandanacushca criccunata pushacca, pi mana juchanchishca alli causac, shuc huarmiyuclla, alli yuyaita charic, alli nishca, huasiman chayaccunatapish alli chasquic, yachachinatapish alli yachachic,

2 TIMOTEO 4:17

Chashna cacpipish Apunchic Jesusca mana ñucallata saquishpami sinchiyachirca. Chaimantami quishpirinamanta alli huillaita huillashpaca, tucui mana israelcunapish uyachun huillarcani. Chashnami Apunchic Jesusca ñucataca, piña leonpac shimimanta shina anchuchirca.

TITO 1:8

Chai mana allicunata ruhuanapac randica, huasiman maijan chayacpipish alli chasquic, imatapish allita ruhuac, cashcata ruhuac, Diospaclla chicanyarishca, alli yuyaiyuc, shinallatac tucui ima millaimanta quiquinllatac jarcaric,

TITO 2:12

Chai cuyaimi mana allita ruhuanatapish, mana alli munaicunatapish saquishpa, cai pachapi alli yuyaihuan, cashcata ruhuashpa, Diosta cazushpa,

TITO 2:2

Ñaupa huiñai taitacunataca alli nishca, mana pucllaric, alli yuyaiyuc, alli cric, cuyac, mana piñaric,

TITO 2:4

Chashna causashpami, quipa huiñai huarmicunataca cusacunatapish, huahuacunatapish cuyaccuna,

TITO 2:6

Shinallatac mosocunatapish alli yuyaihuan purichun yachachingui.

SANTIAGO 4:7

Diosllatac cazuichic, Diablotaca ama ricunayachichicchu. Shina ruhuacpica, diabloca cancunamanta caruyangallami.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Diosta mañaracuichiclla.

APOCALIPSIS 12:10

Shina tucushca quipami jahua pachamanta sinchita caparishpaca: «Cunanmi quishpirinapish, Diospac imata ruhuanapish, Dios mandanapish, pai cachashca Quishpichic Cristo mandanapish chayamushca. Tutapish, punzhapish Diospac ñaupapi ñucanchic huauquicunata juchanchishpa llaquichictaca ñami caimanta llucchishpa shitashca.

APOCALIPSIS 12:12

¡Jahua pachapi causaccuna cushicuichic! Ashtahuanpish allpa pachapi, shinallatac mama cucha yacupi causaccunaca, ¡aij, imachari tucunguichic! Ashalla punzhacuna tiyana cashcata yachashpami, diabloca yallita piñarishpa jahua pachamanta cancunapacman urai rirca» nictami uyarcani.

APOCALIPSIS 12:9

Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaillapitami llullashpa huillacpish, manchana animalpish shitashca carca. Chaipica tutapish, punzhapish huiñaitami llaquichishca canga.

APOCALIPSIS 20:2

Chai angelmi chai dragón nishca ñaupa rucu culebrataca, huaranga huatapa cadenahuan huatarca. Paillatacmi diablo nishcapish, Satanás nishcapish can.

JUECES 14:5

Sansonca paipac taita mamandimi Timnat puebloman urai rirca. Paicuna chai pueblo cuchupi tiyac uvas chagraman chayagricucpica, maltón leonmi piñarishpa shamushpa micugrirca.