1 PEDRO 3:3 - Dios Rimashcata Quillcashcami

³ Huarmicuna ama allichirishpa ñaccharishpa, curimanta ruhuashcacunata churarishpa, valishca churanacunata churarishpa, jahualla allichirichicchu.

Nuevo Testamento en Quichua Cañar 1996

³ Huarmicuna ama yalli ñaccharishpa, curimanta ruhuashcacunata churarishpa, valishca churanacunata churarishpa, jahualla allichirichicchu.

1 PEDRO 3:3 ပူးပေါင်းရင်းမြစ်များ

GÉNESIS 24:22

Ña camellocuna yacuta ubiacpica, chai servic sucta gramosta pezac curi sortijasta, patsac gramosta pezac ishcai manillata cushpaca:

GÉNESIS 24:47

Chai quipami ñuca tapushpaca: “¿Pipac ushitac cangui?” nicpimi paica: “Nacorpac churi Betuelpac ushimi cani, ñuca mamaca Milcami” nirca. Shina nicpica, shuc sortista singapi churachircanimi. Shinallatac maquipipish manillata churachircanimi.

GÉNESIS 24:53

Chai quipaca cullquimanta, curimanta ruhuashca sumaccunata, sumac churanacunata llucchishpami Rebecamanpish, paipac turimanpish, mamamanpish curca.

2 REYES 9:30

Chai quipami Jehuca Jezreel puebloman rirca. Chaita yachashpami Jezabelca ñahuitapish pintarishpa, acchatapish sumacta allichishpa ventanamanta chapacurca.

ESTER 5:1

Quimsa punzha tucucpimi, Esterca jatun mandac huarmi churanata churarishpa mandana huasi pungu pambaman yaicushpa shayarirca. Chai pungu pambaca jatun mandac tiyarina chimbapurapimi carca.

SALMOS 45:9

Cambac huasipi tiyaccunapurapica jatun mandaccunapac ushicunami tiyacun. Cambac alli lado maquimanca jatun mandac huarmimi Ofir llacta curi churanahuan tiyacun.

ÉXODO 3:22

Chaimantami tucui huarmicuna vecinocunaman, mana cashpaca paihuan causac huarmiman curimanta, cullquimanta ruhuashca sumac charinacunata, churanacunata mañanguichic. Chaicunatami cancunapac cari huahuacunaman, huarmi huahuacunaman churachinguichic. Chaita ruhuashpami, Egipto runacunataca chushacta saquishpa ringuichic— nirca.

ÉXODO 32:2

Shina nicpimi Aaronca: —Cancunapac huarmicuna, churicuna, ushicuna ringripi churashca curi zarcillocunata apamuichic— nirca.

ÉXODO 33:4

Chai llaquita uyashpami, israelcunaca llaquilla tucurca. Chaimantami pipish sumac churanacunata mana churarirca.

ÉXODO 35:22

Alli shunguyuc caricunapish, huarmicunapish tucui munaihuanmi cadenacunata, sortejascunata, brazaletecunata, zarcillocunata, curimanta ruhuashca tucuilaya sumaccunata apamurca.

ÉXODO 38:8

Shinallatac pailatapish, chaita tiyachinatapish broncemantami ruhuarca. Chaicunataca Mandac Dios-huan tupana huasi pungupi cac servic huarmicunapac espejocunamantami ruhuarca.

ISAÍAS 52:1

¡Sión llactalla, ricchariyari! ¡Sinchiyaiyari! Diospaclla llacta Jerusalenlla, sumac churanata churariyari. Circuncisionta mana ruhuashca runapish, mapa runapish mana cutin yaicungachu.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

JEREMÍAS 2:32

Carihuan manarac chayarishca solteraca, ¿sumac churanata cungarinchu? Cazarangapac ari nishca solteraca, ¿sumacta allichirinataca cungarinchu? Ashtahuanpish ñuca acllashcacunaca mana yupaipac punzhacunatami ñucata cungarishpa causan.

JEREMÍAS 4:30

Can chai llaquihuan cashpaca, ¿imatatac ruhuangui? Sumac pucanlla churanata churarishcapish, sumac coronata churarishcapish, cambac ñahui millmacunata yananllata ruhuashca cashpapish imata mana ruhuai pudinguichu. Yangami sumacta allichiringui. Canta cuyaccunaca canta piñashpami, huañuchingapac mashcancuna.

EZEQUIEL 23:40

Chaipac jahuapica caru llacta gentecunata pushamuchunmi huillaccunata cacharca. Shina shamucpica, paicunaman alaja ricuringapacmi armarishpa, ñahuitapish pintarirca. Shinallatac tucuilaya sumaccunatapish churarircami.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

1 PEDRO 3:2

cancuna cazushpa, allita ruhuacpica, cancuna mana huillacpipish cric tucungalla.