1 PEDRO 3:13 - Dios Rimashcata Quillcashcami

¹³ Cancuna allita ruhuana yuyailla cacpica, ¿pitac cancunataca mana allita ruhuangayari?

Nuevo Testamento en Quichua Cañar 1996

¹³ Cancuna allita ruhuana yuyailla cacpica, ¿pitac cancunataca mana allita ruhuangayari?

1 PEDRO 3:13 ပူးပေါင်းရင်းမြစ်များ

SALMOS 38:20

Allita ruhuacpi, mana allitami ruhuancuna. Ñuca allita ruhuacpica, piñashpami camincuna.

PROVERBIOS 12:21

Cashcata ruhuactaca ima llaquipish mana japingachu. Ashtahuanpish Diosta mana manchaccunaca yallita llaquihuanmi cangacuna.

PROVERBIOS 15:9

Mana manchac runapac causaica Mandac Diosmanca millanayaimi Ashtahuanpish cashcata ruhuashpa causactaca cuyanmi.

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

JEREMÍAS 39:12

«Jeremiasta allita cuidangui. Paitaca ama llaquichinguichu. Pai imata mañashcata ruhuangui» nishca carca.

ROMANOS 13:3

Mandaccunaca mana allita ruhuac runata manchachingapacmi, ashtahuanpish allita ruhuac runataca, mana manchachinchu. Mandaccuna mana manchachishca causasha nishpaca, allita ruhuashpa causai. Shina causacpimi, mandaccunaca “allita ruhuac runami” ninga.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

1 CORINTIOS 14:1

Tucuimanta yallica, cuyaita charinata munaichic. Shinallatac Diospac Espíritu imata ruhuachichun munaichic. Yallicarin Dios ima nishcata huillac canata munaichic.

EFESIOS 5:1

Cancunaca ña Diospac cuyashca huahuacuna cashcamantaca, pai shina canata yuyaichic.

1 TESALONICENSES 5:15

Shuccuna cancunata ima mana allita ruhuacpica, cancunapish ama chashnallatac ruhuaichicchu. Chaipac randica punzhanta cancunapurapipish, tucui gentecunahuanpish allita ruhuaichic.

1 TIMOTEO 5:10

Paicunaca huahuacunata alli huiñachishca, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuashcacunami cana can.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

3 JUAN 1:11

Cuyashca Gayo, chashna mana alli ruhuaccunataca ama catinguichu, ashtahuanpish allita ruhuaccunata catingui. Maijanpish allita ruhuacca Diospacmi, ashtahuanpish mana allita ruhuacca Diosta mana ricsinchu.