1 PEDRO 2:12 - Dios Rimashcata Quillcashcami

¹² Diosta mana cazuccunapac ñaupapica allita ruhuashpa causaichic. Shina causacpimi, cancunataca millaita ruhuaccuna nishpa juchanchishpapish, cancuna allita ruhuacushcata ricushpa Dios taripana punzhapica Diosta “allimari cangui” ningacuna.

Nuevo Testamento en Quichua Cañar 1996

¹² Diosta mana cazuccunapac ñaupapica allita ruhuashpa causaichic. Shina causacpimi, cancunata cunan “millaita ruhuaccuna” nishpa juchanchishpapish, cancuna allita ruhuacushcata ricushpaca, Dios taripana punzhapica Taita Diosta “allimari cangui” ningacuna.

1 PEDRO 2:12 ပူးပေါင်းရင်းမြစ်များ

SALMOS 37:14

Diosta mana manchac runacunaca imata mana chariccunata, huacchacunata urmachingapacmi espadacunata llucchincuna, arcocunatapish chutancuna. Imatapish allita ruhuaccunata huañuchingapacmi charincuna.

SALMOS 50:23

Maijanpish animalta ñucaman cushpa alli nicmi, ñucataca jatunyachinga. Paipac causaita allichicmanmi ñuca quishpichic cashcataca huillasha» ninmi.

ISAÍAS 10:3

Taripashpa llaquichina punzhapi caru llactamanta tucuchingapac shamucpica, ¿imatac tucugringuichic? ¿Pitatac ayudachun mañagringuichic? Cancuna sumaimana cashcaca, ¿imatac tucunga?

DANIEL 6:4

Chaimantami prefectocunapish, caishuc mandaccunapish Danielta juchanchingapac pai ima shina mandacucta ricushpalla puricurca. Shina cashpapish, ima pandaita mana tarircachu. Chaica Danielca imatapish allillatami ruhuac carca. Chaimantami ima pandaitapish, ima juchatapish mana tarirca.

SAN MATEO 10:25

Yachacuc yachachic shina tucushpaca, allimi canman. Servicpish amo shina tucushpaca, allimi canman. Huasipi taita shina ñucata ‘supaicunata mandac Beelzebumi’ nishpaca, cancunatacarin, ¡imatachari ningacuna!

SAN MATEO 5:11

Ñucata caticushcamanta piñashca, pipish llullashpa rimashca, llaquichishca caccuna, ¡cushicuichic!

SAN MATEO 5:16

Cancunapish, cai pachapi causaccunapac ñaupapica, allita ruhuashpa causaichic. Chashnami luz shina canguichic. Cancuna chashna cacpimi, jahua pachapi tiyac cancunapac Diostaca ‘allimari cangui’ ningacuna.

SAN MATEO 9:8

Chaita tucui gentecuna ricushpaca, runacunaman poderta cushcamantami mancharinacushpa, Diostaca “allimari cangui” nircacuna.

SAN LUCAS 1:68

«Israelcunata Mandac Diosca alli nishca cachun. Paimi pai acllashcacunata quishpichingapac shamushca.

SAN LUCAS 19:44

Cai pueblota urmachishpa, caipi causaccunatapish tucuchingami. Shuc rumillapish pircashcaca mana saquiringachu. Dios quishpichingapac shamucpi, mana chasquishcamantami llaquita apanguichic” nirca.

SAN LUCAS 6:22

Runa Tucungapac shamushca ñucamanta gentecuna piñacpipish, llucchishpa cachacpipish, camicpipish, ima millaita rimacpipish, ¡cushicuichic!

SAN JUAN 13:31

Judas llucshishpa ricpimi Jesusca: —Cunanmi Runa Tucungapac shamushca ñucaca jatunyachishca cagrini. Diospish ñucamantami jatunyachishca canga.

HECHOS 15:14

Dios llaquishpa, mana israelcunatapish paipaclla cachun acllai callarishcatami, Simón Pedroca ña ñucanchicman parlarca.

HECHOS 24:13

Shinallatac pi mana “chaica chashnatacmi” ningachu.

HECHOS 25:7

Pablo chayamucpica, Jerusalenmanta shamushca israelcunami muyunacushpa, Pablota manapish cashcacunata nishpa juchanchircacuna. Chashna juchanchishpapish Pablo ima mana allita ruhuashcataca mana ricuchi pudircachu.

HECHOS 28:22

Ñucanchicca can imata yuyacushcatallami yachashun ninchic. Chaica, can caticushca yachanata maipipish piñashpa rimacllatami uyanchic.

ROMANOS 12:17

Maijan cancunata mana allita ruhuacpica, ama cancunapish chai shinallatac ruhuaichicchu. Chaipac randica, tucuipac ñaupapi alli caichic.

ROMANOS 13:13

Punzhapi puricuc shina, allita ruhuashpa causashunchic. Ama yalli micunallata, ubianallata munashunchic, ama huainayashunchic, ama piñanacuipi churashunchic, ama mana allicunata ruhuashunchic.

ROMANOS 14:18

Chai shina Cristota servishpami, Diosta cushichishpa, runacunapacpish alli nishca causan.

ROMANOS 15:9

Cristoca Dios quillcachishcapi nishca shina, mana israelcunatapish Diosta alli nichunmi shamurca. Dios quillcachishcapica: «Chaimantami tucui llactacunapi canta pagui nisha. Cambac shutitapish cantashami» ninmi.

1 CORINTIOS 14:25

Shinallatac paipac shungupi tucui ima yuyacushcatapish mana pacashpa huillangami. Chashnami Dios cancunahuan cashcata yachashpa, cumurishpa, Diosta “allimari cangui” ninga.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

2 CORINTIOS 13:7

Cancuna imapish mana allita ama ruhuachunmi, Diosta mañanchic. Chashnaca mana ñucanchic allipi ricuringaraicuchu mañacunchic, ashtahuanpish ñucanchicta pandarishcami nishpa juchanchicucpish, cancuna allicunata ruhuachunmi mañanchic.

2 CORINTIOS 8:21

Shina ruhuashpaca, mana Apunchic Jesuspac ñaupallapi alli ricuringapac, ashtahuanpish gentecunapac ñaupapipish alli ricuringapacmi chashna ruhuacunchic.

EFESIOS 2:3

Shinallatacmi tucui ñucanchicpish ñaupaca quiquin munaita, cai pacha jucha munashcallata, ñucanchic yuyarishcallata ruhuashpa causarcanchic. Chashna juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

EFESIOS 4:22

Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli caticushcatami cancunamantaca uyasha nini.

FILIPENSES 4:8

Cuyashca criccuna, tucuri shimicunata rimashpaca: “Tucui imapipish mana llullac canata, shuccuna munashca canata, tucui imatapish allita ruhuac canata, tucui imapipish mapa illac canata, pimanpish cuyaita ricuchic canata, shinallatac sumac, tucuipac alli nishca cana yuyaicuna tiyacpica, chaillata yuyashpa catichic” ninimi.

1 TESALONICENSES 4:12

Chashna ruhuashpa causashpami, imapish mana illaclla, shinallatac mana criccunapacpish alli nishca causanguichic.

1 TIMOTEO 2:2

jatun mandaccunamanta, llactatac mandaccunamanta, ñucanchic sumacta apanacushpa cangapacca, Diosta mañashpa causachunmi munani. Shina mañashpami Diosta cazushpa, imapipish alli nishca cashun.

1 TIMOTEO 4:12

Criccuna canta ricushpa allita causachunca, allita ruhuashpa, sumac shimicunata rimashpa, alli cuyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

1 TIMOTEO 5:10

Paicunaca huahuacunata alli huiñachishca, huasiman shamuccunatapish alli chasquic, llaquilla causaccunata cushichic, criccunapac chaquita jahuac, shinallatac imatapish allita ruhuashcacunami cana can.

HEBREOS 13:18

Ñucanchicmanta Diosta mañaichic. Imapish alli cachunmi allita pushana yuyailla, pipacpish mana juchanchishca cashcata yachanchic.

HEBREOS 13:5

Diosca: «Mana saquishachu, manatac cungarishachu» nishcami. Chaimanta cancunaca charishcallahuan cushi caichic. Ama chayucyana yuyailla caichicchu.

SANTIAGO 3:13

Cancunapuramanta maijan alli yachac, yuyaisapa cashpaca, imatapish allita ruhuashpa, mana piñaric alli shungu tucushpa, yachac cashcataca ricuchichic.

1 PEDRO 2:15

Imata mana yachac upacuna cancunata ama juchanchichunca, allita ruhuachunmi Diosca munan.

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

2 PEDRO 3:11

Chai shina Dios tucuita tucuchina cashcamantaca, cancunaca tucui mana allimanta anchurishpami, Diospaclla causana canguichic.

RUT 3:14

Shina nicpimi, Rutca pacaringacaman paipac chaquinicllapi sueñurca. Boozca: «Trillana pambaman shuc huarmi shamushcata pipish ama yachachun» nishcami carca. Chaimantami cayandi tutamantaca pipish ama ricsichun manarac alli achicyacpi rirca.